ངོ་འཕྲད་བདེ་བའི་དྲ་འབྲེལ།

སྔ་ལོ་བལ་ཡུལ་ལ་ས་འགུལ་བརྒྱུགས་ནས་གོད་ཆག་ཚབས་ཆེན་བྱུང་སྟེ་མི་རྒྱུ་ཟོག་གསུམ་ལ་བསམ་ཡུལ་ལས་འདས་པའི་གནོད་འཚེ་དང་དཀའ་སྡུག ཁང་པ་འཐོར་ཞིག་སོགས་ཐབས་རྡུགས་ཀྱི་གནས་ཚུལ་དེ་བྱུང་ནས་ལོ་གཅིག་ཏག་ཏག་ཕྱིན་ཡོད་ཅིང་། དེ་རིང་ཕྱི་ཟླ་༤་ཚེས་༢༥་ཉིན་བལ་ཡུལ་གྱི་རྒྱལ་ས་ཀཏེ་མེན་གྲུ་གྲོང་ཁྱེར་དུ་ལོ་རྒྱུས་ཀྱི་དོན་སྙིང་ལྡན་པའི་ཁང་ཆེན་ཞིག་རོ་ཞིག་ཡོད་པ་དེའི་ཉེ་འགྲམ་དེར་ས་གནས་མི་མང་ཁག་འདུ་འཛོམས་དང་ན་ནིང་གི་ས་འགུལ་དེར་དྲན་གསོ་བྱས་ཏེ། བལ་ཡུལ་གྱི་སྲིད་བློན་ཨོ་ལི་འདུ་འཛོམས་དེར་ཆེད་ཕེབས་གནང་ཡོད་ཅིང་། དེ་བཞིན་མི་ཚོགས་འཛོམས་སའི་ཉེ་འགྲམ་དེར་ནང་པའི་དགེ་འདུན་པ་ཚོས་ས་ཡོམ་གྱི་གོད་ཆག་འོག་ཏུ་རྐྱེན་འདས་སུ་གྱུར་བ་ཚོར་ཐུགས་སྨོན་དང་། ལྷག་པར་དུ་མ་འོངས་པར་རང་བྱུང་གི་རྐྱེན་ངན་འདི་རིགས་མི་འབྱུང་བའི་སྨོན་ལམ་གསུངས་ཡོད་པ་རེད།།

XS
SM
MD
LG