ཧོན་ཀོང་ནང་དུ་རྒྱ་ནག་དམར་ཤོག་གཞུང་གིས་རྒྱལ་ཞེན་རིང་ལུགས་ཀྱི་སློབ་གསོ་སྤེལ་ཏེ་ཧོན་ཀོང་གི་ན་གཞོན་མི་རབས་གསར་བ་ཚོའི་བསམ་བློར་བསྒྱུར་བཀོད་གཏོང་ཐབས་ཀྱི་སྲིད་ཇུས་ལག་བསྟར་བྱ་རྒྱུ་མགོ་རྩོམ་བཞིན་པ་དེ་ནི། རྒྱ་ནག་གཞུང་གིས་བོད་ནང་དུ་སྤེལ་བའི་མི་རིགས་ཀྱི་རིག་གནས་རྩ་མེད་བཟོ་བའི་སྲིད་ཇུས་དེ་དང་གཅིག་མཚུངས་ཡིན་པ་ཧོན་ཀོང་གཞུང་འབྲེལ་མ་ཡིན་པའི་ཚོགས་པ་ཚོས་བརྗོད་ཀྱིན་ཡོད་འདུག་ལ། ཡང་ད་ལྟའི་ཆར་ཧོན་ཀོང་མི་མང་གི་ཁྲོད་དུ་རྒྱ་ནག་གིས་ཧོན་ཀོང་དམིགས་བསལ་ས་གནས་རང་སྐྱོང་གི་སྲིད་གཞུང་འདིའི་རྩ་འཛིན་གྱིས་ཐོབ་ཐང་ལ་གཏོར་བཤིག་བཏང་སྟེ་ཧོན་ཀོང་གི་ནང་སྲིད་ལ་ཐེ་གཏོགས་བྱ་རྒྱུ་ཐལ་དྲགས་པའི་ལྟ་ཚུལ་འཛིན་མཁན་ཡང་ཡོད་འདུག ཡང་རྒྱ་ནག་དམར་ཤོག་གཞུང་དང་ཧོན་ཀོང་དམིགས་བསལ་ས་གནས་སྲིད་གཞུང་གི་འབྲེལ་ལམ་ཐད་ལ་ཧོན་ཀོང་ནང་ཡོད་པའི་རང་དབང་གི་གསར་ཁང་ཁག་དང་རྩོམ་པ་པོ་ཚོས་བསམ་ཚུལ་ཇི་འདྲ་འཛིན་བཞིན་ཡོད་པསོགས་ཀྱི་སྐོར་ལ་ཨ་རིའི་རླུང་འཕྲིན་ཁང་གི་རྒྱ་སྐད་སྡེ་ཚན་གྱི་གསར་འགོད་པས་གནས་སྤེལ་བའི་གནས་ཚུལ་དེ་ཚེ་རིང་སྐྱིད་ཀྱིས་བོད་བསྒྱུར་བྱས་ཡོད།
