ད་ལྟ་བོད་ནང་ཡིད་སྐྱོ་དགོས་པའི་གནས་ཚུལ་མང་པོ་ཞིག་འབྱུང་བཞིན་པའི་ཛ་དྲག་གི་གནས་སྟངས་དེ་ནི་ རྒྱ་ནག་གཞུང་གིས་དོན་དངོས་ལ་བསམ་གཞིགས་མ་བྱས་པར་ བོད་མིར་བཙན་གནོན་དང་དྲག་རྩུབ་ཁོ་ན་བྱེད་པའི་སྲིད་བྱུས་ཤིག་འཛིན་གྱི་ཡོད་པར་བརྟེན་ནས་བྱུང་བ་ཞིག་རེད་ཅེས་ བོད་ཀྱི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ རེས་གཟའ་མིག་དམར་ཉིན་གྱི་སྔ་དྲོ་ ཨ་མི་རི་ཀའི་ཨེན་པི་ཨར་རླུང་འཕྲིན་ཁང་ལ་བཀའ་གནང་ཡོད་པའི་སྐོར་ དཔལ་མོ་མཁས་གྲུབ་ཀྱིས་གནས་ཚུལ་ཕྱོགས་བསྒྲིགས་བྱས་པ་ཞིག་གསན་རོགས་གནང་།