རྒྱ་ནག་གི་གཞུང་གཉེར་གསར་འགྱུར་ལས་ཁང་ཁག་གིས་ཕྱི་ལོ་༢༠༡༠་ཐམ་པའི་གསར་འགྱུར་གལ་ཆེ་ཞིག་ནི། ཨ་མི་རི་ཀའི་ཤུགས་རྐྱེན་དེ་ཉིད་སླར་ཡང་ཨེ་ཤེ་ཡ་དང་ཞི་བདེ་རྒྱ་མཚོའི་མངའ་ཁུལ་དུ་དར་ཁྱབ་ཕྱིན་པ་དང་། ཨ་མི་རི་ཀའི་ཤུགས་རྐྱེན་འོག་ཨེ་ཤེ་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་རྒྱལ་ཁབ་ཁག་གི་འབྲེལ་བ་སྡུག་ཏུ་སོང་ཡོད་ཅེས་བཀོད་ཅིང་། རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པ་ཅང་ཡུའི་ཡིས་གསར་འགོད་པའི་དྲི་བ་དེ་ཚོར་ཐད་ཀར་ལན་འདེབས་མ་བྱས་ཀྱང་། ཁོང་གིས་ཨ་མི་རི་ཀར་ཨེ་ཤེ་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་རྒྱལ་ཁབ་ཁག་ལ་ཤུགས་རྐྱེན་ཆེན་པོ་ཞིག་ཡོད་པ་དང་། ཨ་མི་རི་ཀས་རང་གི་ཤུགས་རྐྱེན་ལ་བརྟེན་ནས་ཨེ་ཤེ་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་ཞི་བདེ་བརྟན་ལྷིང་སྲ་བརྟན་བཏང་སྟེ། ཁོང་ཚོས་ལེགས་སྐྱེས་གཟེངས་སུ་ཐོན་པ་ཞིག་འབུལ་ཐུབ་པའི་རེ་བ་ཡོད་ཅེས་བཤད་ཡོད་པ་རེད།།
