ངོ་འཕྲད་བདེ་བའི་དྲ་འབྲེལ།

རྒྱ་ནག་གི་ཁྲིམས་བཤེར་དང་སོག་པོའི་ངོ་རྒོལ།


རྒྱ་ནག་གཞུང་གིས་ནང་སོག་གི་རྒྱལ་ས་ཧོ་ཧོ་ཧོད་གཙོ་བོར་གྱུར་པའི་གྲོང་ཁྱེར་ཁག་ལ་དམག་དང་དྲག་ཆས་ཉེན་རྟོག་པ་འགྲེམ་འཇོག་བྱས་པ་དང་། ཉེ་ཆར་རྒྱ་མི་རིགས་ཀྱི་རླངས་འཁོར་ཁ་ལོ་བ་ཞིག་གིས་སོག་པོའི་འབྲོག་པ་ཞིག་གི་ཐོག་ཏུ་རླངས་འཁོར་བཏང་སྟེ། ཁོ་པས་བསམ་བཞིན་ནང་སོག་གི་འབྲོག་པ་ཞིག་དམར་གསོད་བྱས་ནས་བཟུང་། ནང་སོག་གི་སློབ་ཕྲུག་ཚོས་རླངས་འཁོར་ཁ་ལོ་བ་དེར་མི་བསད་པའི་ནག་ཉེས་ཐོག་ཏུ་ཁྲིམས་བཤེར་བྱེད་དགོས་པ་དང་། རྒྱ་ནག་གཞུང་གིས་སོག་པོའི་འབྲོག་པ་དེའི་འགྲོ་བ་མིའི་ཐོབ་ཐང་ལ་བརྩི་འཇོག་བྱེད་རྒྱུ། རྒྱ་མི་རིགས་དང་སོག་པོ་མི་རིགས་གཉིས་ལ་ཐོབ་ཐང་འདྲ་མཉམ་སྤྲོད་དགོས་པ་དང་། སོག་པ་ཚོར་རང་གི་སྲོལ་རྒྱུན་གྱི་ལམ་སྲོལ་ལྟར་འཚོ་བ་རྒྱུན་འཁྱོངས་བྱེད་ཆོག་པའི་ཐོབ་ཐང་དགོས་ཞེས་ངོ་རྒོལ་ཁྲིམས་སྐོར་བྱས་ཡོད་པས། དེ་རིང་གཟའ་ཟླ་བའི་ཉིན་རྒྱ་ནག་གཞུང་གིས་རླངས་འཁོར་ཁ་ལོ་བ་དེར་མི་བསད་པའི་ནག་ཉེས་ཐོག་ཏུ་ཁྲིམས་བཤེར་བྱེད་རྒྱུ་ཡིན་ཞེས་ཁྱབ་བསྒྲགས་བྱས་ཡོད་པ་རེད།

XS
SM
MD
LG