རྒྱ་ནག་གཞུང་གིས་འགྲོ་བ་མིའི་ཐོབ་ཐང་གི་ལས་དོན་འཆར་གཞི་ཞེས་པའི་ཡིག་ཆ་འདོན་ཐེངས་གཉིས་པ་དེ་ རེས་གཟའ་ཟླ་བའི་ཉིན་བཏོན་ཡོད་པ་དང་ ཡིག་ཆ་དེའི་ནང་ རྒྱུ་རྐྱེན་སྣ་ཚོགས་ཤིག་ལ་བརྟེན་ནས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་འགྲོ་རྒྱུར་དཀའ་ངལ་འཕྲད་ཀྱི་ཡོད་ལུགས་ངོས་ལེན་བྱས་པ་དང་སྦྲགས་ ཡིན་ནའང་ གཞུང་གིས་དཀའ་ངལ་དེ་ཚོར་གདོེང་ལེན་བྱས་ཏེ་ སྤྱི་འབངས་རྣམས་བདེ་སྐྱིད་ཀྱི་འཚོ་བ་སྐྱེལ་ཐུབ་རྒྱུར་འབད་བརྩོན་བྱེད་ཀྱི་ཡིན་ཞེས་བཀོད་ཡོད་པའི་སྐོར་ གསར་འགྱུར་བརྒྱུད་ལམ་ཁག་གི་ཐོག་ཐོན་པའི་གནས་ཚུལ་རྣམས་ དཔལ་མོ་མཁས་གྲུབ་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་གི་རེད།