རྒྱ་ནག་གི་ནང་དུ་རྒྱལ་ཁབ་གཞན་གྱི་གླེང་མོལ་མཉེན་ཆས་བེད་སྤྱོད་གཏོང་མི་ཆོག་པར། རྒྱ་ནག་རྒྱལ་ནང་གི་དྲ་ལམ་བཟོ་ཚོང་ཁང་ཁོ་ན་བེད་སྤྱོད་གཏོང་དགོས་པ་མ་ཟད། དྲ་ལམ་བཟོ་ཚོང་ཁང་གིས། དྲ་ལམ་ལ་མཉམ་ཞུགས་བྱེད་མཁན་ཚོའི་ཐོབ་ཐང་ལག་ཁྱེར་ལ་རྟོག་ཞིབ་བྱས་ཏེ་ངོས་འཛིན་གསལ་བོ་བྱ་དགོས་པ། དེ་བཞིན་ལྷོ་ཀོ་རི་ཡས་བཟོས་པའི་ཁཱ་ཁཱོ་གླེང་མོལ་མཉེན་ཆས་དེ་རྒྱ་ནག་ནང་འཇིགས་སྐུལ་དྲག་སྤྱོད་ཀྱི་གནས་ཚུལ་སྤེལ་རྒྱུར་བཀོལ་སྤྱོད་བྱེད་བཞིན་འདུག་ཅེས་བརྗོད་དེ་རྒྱ་ནག་གཞུང་གིས་བཀག་སྡོམ་བྱེད་ཡོད་པ་ལ་སོགས་པའི་སྐོར་ཚེ་རིང་སྐྱིད་ཀྱིས་སྙན་སྒྲོན་ཞུ་རྒྱུ་རེད།
