རྒྱ་ནག་གི་སྲིད་དབུན་ཅ་པའོ་རྒྱ་གར་ལ་ཉི་མ་གསུམ་གྱི་འཚམས་འདྲིར་ཕེབས་པ་མཇུག་བསྒྲིལ་ཡོད་ཅིང་། ཐེངས་འདིའི་འཚམས་འདྲིའི་སྐབས་སུ་རྒྱ་དཀར་ནག་གི་སྲིད་བློན་རྣམ་པས་ཕྱོགས་གཉིས་ཀྱི་ཚོང་ལས་ཡར་རྒྱས་དང་རིག་གནས་བརྗེ་ལེན། ཆུའི་ཐོན་ཁུངས་མཉམ་བགོ་བྱེད་དགོས་པ་སོགས་ལ་གྲོས་མོལ་བྱས་ཡོད་པ་དང་། སྲིད་བློན་དབུན་ཅ་པའོ་ཡིས་རྒྱ་དཀར་ནག་གཉིས་ནམ་ཡང་དགྲ་ཁ་གཏད་ལ་འགྱུར་མི་སྲིད། ང་ཚོ་གཅིག་གི་ཡར་རྒྱས་གོང་འཕེལ་གཅིག་ཤོས་ཀྱི་འགོག་རྐྱེན་ལ་འགྱུར་མི་སྲིད་ཅེས་གཏམ་བཤད་བྱས་ཀྱང་། རྒྱ་ནག་གིས་པ་ཀི་སི་ཐན་ལ་ཕྱོགས་གང་ཐད་ནས་འབྲེལ་བ་བརྟན་པོ་ཞིག་བཙུགས་ཡོད་པ་དང་། འདས་པའི་དུས་རབས་ཕྱེད་ཀ་ལྷག་ལ་རྒྱ་དཀར་ནག་གཉིས་ཀར་ས་མཚམས་ཀྱི་རྩོད་གླེང་ཡོད་པ་ཐག་གཅོད་བྱེད་ཐུབ་ཀྱི་མེད་པ་མ་ཟད། ད་དུང་རྒྱ་ནག་གིས་ཀ་ཤི་མིར་ལ་ཐེ་གཏོགས་བྱེད་རྒྱུ་དང་། རྒྱ་གར་ཤར་ཕྱོགས་ཀྱི་ཨ་རུ་ཎ་ཅལ་མངའ་སྡེའི་ས་ཆ་ཁག་ཅིག་རྒྱ་ནག་གི་མངའ་ཁོངས་ཡིན་ཞེས་བདག་རྩོད་བྱེད་རྒྱུ་ཤུགས་ཆེ་རུ་བཏང་སྟེ། ལྡི་ལི་གསར་པའི་འགོ་ཁྲིད་ཚོས་རྒྱ་ནག་མཐུན་གྲོགས་ཤིག་ལ་འགྱུར་མི་ཐུབ་པའི་དོགས་པ་ཡོད་སེལ་ཐུབ་མེད་པ་རེད།།