༄༅།། གཟའ་ཟླ་བའི་ཉིན་ཧོང་ཀོང་གི་ཁྲིམས་ཁང་ཞིག་གིས་དམངས་གཙོ་དོན་གཉེར་ཅན་གྱི་འོས་མི་དང་འོས་བསྡུའི་དྲིལ་བསྒྲགས་ལས་འགུལ་སྤེལ་མཁན། དམངས་གཙོའི་ལས་འགུལ་བ་བཅས་མི་༤༧་ལ་སྲིད་གཞུང་མགོ་རྟིང་སློག་ཐབས་ཀྱི་ངན་ཇུས་བཤམས་པའི་ནག་ཉེས་བཙུགས་ཡོད་ཅིང་། སྐབས་དེར་ཁྲིམས་ཁང་གི་ཕྱི་ལོགས་སུ་མི་མང་བརྒྱ་སྐོར་ཞིག་འདུས་ནས་ངོ་རྒོལ་གྱི་ལས་འགུལ་སྤེལ་བ་དེའི་གྲས་སུ་ཧོང་ཀོང་དུ་བཅའ་སྡོད་དབྱིན་ཇིའི་དོན་གཅོད་ཁང་གི་སྤྱི་ཁྱབ་མཉམ་ཞུགས་གནང་ཡོད་པའི་སྐོར། རྒྱལ་སྤྱིའི་གསར་ཤོག་ཁག་ལ་ཐོན་པའི་གནས་ཚུལ་རྣམས་པདྨ་བདེ་ཆེན་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།