ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་ཀོ་རི་ཡའི་ནང་པའི་ཚོགས་ཆེན་ལ་གསུང་འཕྲིན་བསྩལ་བ་དང་། ཇཱོ་ བྷ་ཌན་ལགས་ཨ་རིའི་འདེམས་ཐོན་སྲིད་འཛིན་ཆགས་ཤིང་འཛམ་གླིང་ག་ས་ནས་ཁོང་ལ་བཀྲ་ཤིས་བདེ་ལེགས་ཀྱི་རྟེན་འབྲེལ་ཞུས་པ། བོད་དོན་རྒྱབ་སྐྱོར་སྲིད་བྱུས་ཁྲིམས་འཆར་ཆེད་སྲིད་སྐྱོང་གིས་གཞེན་སྐུལ་ཕྱོགས་སྐྱོད་གནང་རྒྱུ་ཡིན་པ་སོགས་ཡོད། ཐེངས་འདིའི་ཀུན་གླེང་དུ་སྲིད་སྐྱོང་འོས་མི་དག་ལ་བཅར་འདྲི་ཞུ་བའི་དམིགས་བསལ་ལེ་ཚན་འགོ་བརྩམས་ནས་དེ་རིང་བློ་བཟང་སྙན་གྲགས་ལགས་ལ་དམིགས་བསལ་བཅར་འདྲི་ཞུས་ཡོད་པ་དང་། དེ་བཞིན་བྱང་ཨ་རིའི་ནང་གི་བོད་ཀྱི་སྐུ་ཚབ་དོན་གཅོད་ཁང་གི་དོན་གཅོད་དངོས་གྲུབ་ཚེ་རིང་ལགས་ལ་བྷ་ཌན་དང་ཧེ་རཱེ་སིའི་བོད་དོན་གསལ་བསྒྲགས་ཐད་བཅར་འདྲི་ཞུས་ཡོད།