ཟླ་ལྔ་བའི་ཚེས་༣་ཉིན་འཛམ་གླིང་ག་ས་གང་དུ་གསར་འགོད་རང་དབང་ཉིན་མོ་སྲུང་བརྩི་བྱེད་པ་ལྟར། ད་ལོར་ཏོག་དབྱིབས་ནད་དུག་ཁྱབ་གདལ་འགྲོ་བཞིན་པའི་སྐབས་འདིར་ཡང་གསར་འགོད་རང་དབང་ལ་དོ་སྣང་ཆེན་པོ་བྱུང་ཡོད། དེ་རིང་གི་ཀུན་གླེང་ཚན་པ་འདིར་འདི་ག་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་བཀྲས་མཐོང་བསྟན་འཛིན་རྣམ་རྒྱལ་ལགས་གདན་འདྲེན་ཞུས་ནས་གསར་འགོད་རང་དབང་གི་གནས་སྟངས་དང་། བཙན་བྱོལ་དུ་ཡོད་པའི་བོད་ཀྱི་གསར་འགོད་ལས་ཁང་ཁག་གི་དམིགས་བསལ་འགན་འཁྲིའི་ཐད་བགྲོ་གླེང་ཞུས་ཡོད།