སྲིད་སྐྱོང་གི་གསལ་བསྒྲགས་དང་བོད་པ་རྐྱེན་འདས་པ།

ཉེ་ཆར་ཨ་རི་ནས་བཞུགས་སྒར་དུ་ཕྱིར་ལོག་བྱས་པའི་བོད་པ་ལོ་ན་༦༩་ལ་སོན་པ་ཞིག་ཁ་སང་ཏོག་དབྱིབས་རིམས་ནད་ཀྱི་རྐྱེན་པས་འཆི་སྐྱོན་བྱུང་གནས་ཚུལ་ཐོན་ཡོད་ཅིང་། དེ་རིང་སྲིད་སྐྱོང་བློ་བཟང་སེངྒེས་དྲྭ་ཐོག་ཏུ་གསར་འགོད་གསལ་བཤད་ཅིག་གནང་སྟེ་འདས་པོ་དེ་ཉིད་རྒྱ་གར་ལ་སླེབས་པའི་རྒྱུད་རིམ་ཡོངས་རྫོགས་ངོ་སྤྲོད་ཞིབ་ཕྲ་གནང་བ་དང་ཆབས་ཅིག ཁ་སང་ཕྱི་དྲོར་འདས་པོའི་བཟའ་མི་ཚོའི་མོས་མཐུན་དང་རྒྱབ་སྐྱོར་འོག་མཚན་མོར་ཕུང་པོ་ཞུགས་འབུལ་གནང་ཟིན་ཡོད་པ་གསུངས།།