༄༅། དེང་སྐབས་བྱང་ཨ་རི་དང་ཡུ་རོབ་གཙོས་ནུབ་ཕྱོགས་རྒྱལ་ཁབ་ཁག་ཏུ་གནས་འཁོད་བོད་པའི་གྲས་སུ་རྒྱ་གར་དང་བལ་ཡུལ་སོགས་ཀྱི་བོད་ཕྲུག་ཚོར་སློབ་ཡོན་རོགས་རམ་སོགས་ཀྱི་མཚོན་པའི་རོགས་སྐྱོར་གྱི་ལས་དོན་སྒྲུབ་མཁན་ཇེ་མང་དུ་འགྲོ་བཞིན་ཡོད་རེད།
གཟའ་འཁོར་འདིའི་ལས་རིམ་ལ་ཨ་རིའི་ནེའུ་ཡོག་དང་ནེའུ་ཇར་སི་ས་ཁུལ་གྱི་བོད་ཕྲུག་ཁྱིམ་སྡེའི་སློབ་ཟུར་ཚོགས་པ་དང་། ཨ་རིའི་རྒྱལ་སའི་མངའ་ཁུལ་གྱི་མ་སུ་རི་བོད་ཁྱིམ་གྱི་སློབ་ཟུར་ཚོགས་པ་སོགས་ཀྱིས་རྒྱ་གར་དུ་སློབ་སྦྱོང་བྱེད་བཞིན་པའི་བོད་ཕྲུག་ཚོར་ཤེས་ཡོན་དང་འཚོ་གནས་ལ་རོགས་ཕན་ཅི་ཞིག་སྒྲུབ་ཐུབ་གྱི་ཡོད་མེད། ལས་འཆར་དེའི་གནད་འགག་དང་ཕན་ཡོན་སོགས་ལ་འབྲེལ་ཡོད་མི་སྣ་གཉིས་ལ་གླེང་མོལ་ཞུས་ཡོད།