བོད་པ་བཙན་བྱོལ་བའི་ཆོས་སྒར་ཁག་ཏུ་ཧི་མ་ལ་ཡའི་རི་རྒྱུད་ཀྱི་ས་ཁུལ་ཁག་མ་ཡིན་པའི་རྒྱ་གར་གྱི་ས་ཁུལ་གཞན་གྱི་ན་གཞོན་མང་པོ་ཆོས་ཞུགས་དང་གཞུང་ཆེན་སློབ་གཉེར་བྱེད་མཁན་འབྱུང་གི་ཡོད་ཅིང་། ཁོ་ཚོའི་གྲས་སུ་དགེ་བཤེས་རྒྱུགས་སྤྲོད་བཏང་བའང་བྱུང་ཡོད་པར་མ་ཟད། ཉེ་ལམ་ཞིག་ནས་རྒྱ་གར་གྱི་ན་གཞོན་ཁོངས་སུ་བོད་བརྒྱུད་ནང་བསྟན་ལ་དོ་སྣང་ཆེ་རུ་ཕྱིན་ཏེ་༧གོང་ས་མཆོག་གི་གསུང་ཆོས་དང་བཀའ་སློབ་ལ་བཅར་མཁན་མང་དུ་འགྲོ་བཞིན་ཡོད་པ་རེད། དེ་རིང་གི་ཀུན་གླེང་ལས་རིམ་ལ་ཧི་མ་ལ་ཡའི་རི་རྒྱུད་ས་ཁུལ་ཁག་མ་ཡིན་པའི་རྒྱ་གར་བ་ཚོས་བོད་བརྒྱུད་ནང་བསྟན་ལ་དོ་སྣང་དང་སློབ་གཉེར་བྱེད་ཀྱི་ཡོད་པའི་གནས་སྟངས་སྐོར་ལ་གླེང་མོལ་ཞུ་རྒྱུ་ཡིན།