༄༅།། རྒྱ་ནག་གི་རྒྱལ་ས་པེ་ཅིང་དུ་བཅའ་སྡོད་ཁེ་ན་ཌའི་གཞུང་ཚབ་པས་རྒྱ་ནག་གི་གནད་ཡོད་སྤྱི་དམངས་ཤིག་ཁེ་ན་ཌའི་གཞུང་གིས་ཨ་མི་རི་ཀར་བརྩི་སྤྲོད་བྱེད་པ་ཡིན་ན དེ་ལ་མཇུག་འབྲས་བཟང་པོ་ཞིག་སྨིན་མི་སྲིད་ཅེས་གཏམ་བཤད་བྱས་ཡོད་ཅིང་། དེར་བརྟེན་ཁེ་ན་ཌའི་སྲིད་བློན་ཇ་སི་ཊིན་ཊི་རོ་ཌོར་གྱིས་པེ་ཅིང་དུ་བཅའ་སྡོད་ཁེ་ན་ཌའི་གཞུང་ཚབ་པར་འཕོ་འགྱུར་བཏང་བ་དང་། གཟའ་ཟླ་བའི་ཉིན་རྒྱ་ནག་ཕྱི་སྲིད་ལྷན་ཁང་གིས་ཁེ་ན་ཌའི་གཞུང་ཚབ་པ་གནས་དབྱུང་བཏང་བ་ནི་རྒྱལ་ཁབ་དེའི་ནང་སྲིད་ཀྱི་གནད་དོན་ཞིག་རེད་ཅེས་བཤད་ཡོད་པ་བཅས་ཀྱི་སྐོར།་རྒྱལ་སྤྱིའི་གསར་འགྱུར་བརྒྱུད་ལམ་ཁག་ལ་ཐོན་པའི་གནས་ཚུལ་རྣམས་ཀུན་བཟང་སྒྲོལ་མས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།
