བོད་མི་མང་སྤྱི་འཐུས་ལྷན་ཁང་གིས་ཧི་མ་ཅལ་མངའ་སྡེའི་དགུན་དུས་ཀྱི་གྲོས་ཚོགས་ཚོགས་དུས་སུ་ཕེབས་པའི་འཐུས་མི་ཁག་ཅིག་བཞུགས་སྒར་དུ་གདན་འདྲེན་ཞུས་ཏེ་ཇ་སྟོན་བཤམས་པ་དང་། མངའ་སྡེའི་གྲོས་ཚོགས་འཐུས་མི་ཚོ་དང་མཐུན་སྒྲིལ་གོང་འཕེལ་གཏོང་ཐབས་གནང་ཡོད་པར་མ་ཟད། ཧི་མ་ཅལ་མངའ་སྡེའི་བློན་ཆེན་གྱིས་ཕན་ཚུན་འབྲེལ་ལམ་བཟང་པོ་ཡོད་པར་བསྔགས་བརྗོད་གནང་ཡོད་ཅིང་། ད་དུང་ཧི་མ་ཅལ་མངའ་སྡེ་དེ་ཉིད་༧གོང་ས་ཏཱ་ལའི་བླ་མ་མཆོག་གི་བཞུགས་གནས་ཡིན་པ་ནི་སྐལ་བ་བཟང་པོ་ཞིག་ཡིན་ཞེས་གསུངས་ཡོད་པ་སོགས་ཀྱི་སྐོར། འདི་གའི་གསར་འགོད་པ་བསྟན་འཛིན་བཟང་མོ་ལགས་ཀྱིས་གནས་ཚུལ་བཏང་བ་ཞིག་གསན་རོགས་གནང་།།
