འདས་པའི་གཟའ་མཇུག་ཏུ་རྒྱ་ནག་གཞུང་དང་ཡེ་ཤུའི་གནམ་བདག་ཆོས་ལུགས་ཀྱི་གདན་ས་ཆེན་མོ་ཝེ་ཊི་ཁན་གྱིས་གྲོས་མཐུན་ཐེངས་དང་པོར་བཞག་སྟེ། ཡེ་ཤུའི་ཆོས་ལུགས་ཀྱི་གདན་ས་དེར་ལོ་རྒྱུས་ཀྱི་སྐུ་དབང་ཡོད་པ་རྣམས་རྒྱ་ནག་གཞུང་ལ་སྤྲོད་རྒྱུ་དང་། རྒྱ་ནག་གཞུང་གིས་ཡེ་ཤུའི་ཆོས་དཔོན་རྣམས་བསྐོ་བཞག་བྱས་ཡོད་པ་དེར་བླ་ཆེན་ཕོབ་མཆོག་དང་གདན་ས་ཝྭེ་ཊི་ཁན་གྱིས་ངོས་ལེན་བྱ་རྒྱུའི་གྲོས་མཐུན་བྱུང་མོད། འོན་ཀྱང་ཧོང་ཀོང་གི་ཡེ་ཤུའི་ཆོས་དཔོན་ཆེན་མོ་འཇེ་སེབ་ཙེན་སོགས་ཀྱིས་ཡེ་ཤུའི་ཆོས་ལུགས་ཀྱི་གདན་ས་ཆེན་མོ་དང་རྒྱ་ནག་གཞུང་གིས་གྲོས་མཐུན་བཞག་པ་དེ་ནི་གདན་ས་ཝྭེ་ཊི་ཁན་གྱིས་རང་གི་རྗེས་འཇུག་དད་ལྡན་པ་རྣམས་གཡང་སར་སྐྱེལ་བ་དང་གཅིག་མཚུངས་ཡིན་ཞིང་། རྒྱ་ནག་གི་ཡེ་ཤུའི་ཆོས་སྡེ་ཙམ་མ་ཡིན་པར་འཛམ་གླིང་ཁྱོན་ཡོངས་སུ་ཡེ་ཤུའི་ཆོས་སྡེ་དེའི་མཚན་མཐོང་ལ་གནོད་སྐྱོང་བཏང་སོང་ཞེས་སྐྱོན་བརྗོད་བྱས་ཡོད་པའི་སྐོར། བསོད་ནམས་དབྱངས་འཛོམས་ཀྱིས་གནས་ཚུལ་སྙན་སྒྲོན་ཞུ་ཡི་རེད།།
