ད་ལྟ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་རྒྱལ་བ་རིན་པོ་ཆེ་མཆོག་ཡུ་རོབ་གླིང་དུ་ཆིབས་སྒྱུར་བསྐྱངས་ནས་མཛད་འཕྲིན་རྒྱ་ཆེན་ཞིག་སྐྱོང་བཞིན་ཡོད་ཅིང་། ཕྱི་ཟླ་༩་ཚེས་༢༠་ཉིན་༧གོང་ས་མཆོག་རྒྱལ་སྤྱིའི་ཚན་རིག་དུས་སྟོན་ཞེས་པའི་ཆ་ཤས་ཀྱི་ལས་གཞི་ཞིག་ལ་ཕེབས་ཞུགས་གནང་ནས་བདེ་སྐྱིད་དང་འགན་འཁྲི། ཆེ་མཐོང་བཅས་ཀྱི་བརྗོད་གཞིའི་ཐོག་ཏུ་ནུབ་ཕྱོགས་ཀྱི་ཚན་རིག་པ་ཚོར་བཀའ་བསྡུར་གནང་བའི་ཞིབ་ཕྲའི་གནས་ཚུལ་རྣམས་ས་གནས་དེར་ཆེད་ཕེབས་གནང་ཡོད་པའི་འདི་ག་རླུང་འཕྲིན་ཁང་གི་གསར་འགོད་པ་པདྨ་རྡོ་རྗེ་ལ་བཅར་འདྲི་ཞུས་ཡོད།།
