བོད་མིའི་རང་དབང་སྒེར་ལངས་ཐེངས་༥༩་པར་སྲུང་བརྩི་ཞུ་བའི་གསུམ་བཅུའི་དུས་དྲན་གྱི་སྔ་ནུབ་ཏུ་རྒྱ་གར་གྱི་རྒྱལ་ས་ལྡི་ལི་གསར་པར་བཅའ་སྡོད་རྒྱ་ནག་གི་གཞུང་ཚབ་ཁང་གི་མདུན་དུ་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ཚོས་ངོ་རྒོལ་ལས་འགུལ་སྤེལ་བའི་སྐབས་སུ་གཞོན་ནུའི་ཚོགས་མི་༨༠་ཙམ་རྒྱ་གར་གཞུང་གི་ཉེན་རྟོག་པས་འཛིན་བཟུང་བྱས་ཡོད་པ་དང་། འཛིན་བཟུང་བྱས་པ་དེ་དག་གི་གྲས་སུ་བུ་མོ་༢༥་ཡོད་པ་སོགས་ཀྱི་སྐོར། འདི་གའི་གསར་འགོད་པ་ཚེ་རིང་དབང་རྒྱལ་ལགས་ཀྱིས་ས་གནས་ནས་གནས་ཚུལ་བཏང་བ་ཞིག་གསན་རོགས་གནང་།།
