སངས་རྒྱས་བཀྲ་ཤིས་ལགས་ཀྱིས་ཨ་རིའི་ནེའུ་ཡོག་ཏུ་སྤྱི་ཚོགས་འཕྲོད་བསྟེན་གྱི་ཚོགས་པ་ཆེ་ཤོས་ཤིག་གི་ནང་ཕྱག་ལས་གནང་བཞིན་ཡོད་པ་དང། ཕྱི་ལོ་༢༠༡༣ ལོར་ཁོང་གིས་བོད་ཀྱི་སྤྱི་ཚོགས་འཕྲོད་བསྟེན་དྲྭ་བ་ཞེས་པ་དེ་གསར་འཛུགས་བྱས་ནས་བོད་ཕྱི་ནང་གཉིས་ཀྱི་བོད་མིའི་ཁྲོད་ལ་སྤྱི་ཚོགས་འཕྲོད་བསྟེན་གྱི་གོ་རྟོགས་དང་སློབ་གསོའི་ལས་དོན་མང་པོ་ཞིག་སྤེལ་བཞིན་ཡོད། དེའི་གོང་བོད་ཀྱི་དཔེ་མཛོད་ཁང་དང་ཨ་རིའི་Emory གཙུག་ལག་སློབ་ཆེན་གཉིས་ཀྱི་ནང་ཡིག་སྒྱུར་དང་ཉམས་ཞིབ་པའི་ཕྱག་ལས་གནང་མྱོང་འདུག