ངོ་འཕྲད་བདེ་བའི་དྲ་འབྲེལ།

སྤྱི་ལོ་༢༠༡༨་ལོའི་སྤྱི་ཟླ་དང་པོའི་ནང་དུ་༧གོང་ས་མཆོག་གིས་རྒྱ་གར་གྱི་གནས་མཆོག་རྡོ་རྗེ་གདན་དུ་གསུང་ཆོས་རིམ་པ་གཉིས་གནང་འཆར་ཡོད་ཅིང་། གསུང་ཆོས་གོ་སྒྲིག་པ་ཚོས་རྡོ་རྗེ་གདན་དུ་དད་ལྡན་པ་ཁྲི་ཚོ་བཞི་ཙམ་འདུ་འཛོམ་འབྱུང་རྒྱུའི་ཚོད་དཔག་བྱས་ཏེ་གྲ་སྒྲིག་གང་ལེགས་ཡོང་གི་ཡོད་པ་རེད། དབུས་བོད་མིའི་སྒྲིག་འཛུགས་ཀྱི་སྣེ་ལེན་ཁང་གིས་བོད་ནས་ཡོང་བའི་དད་ལྡན་མང་ཚོགས་ལ་སྡོད་གནས་གྲ་སྒྲིག་དང་། དུས་འཁོར་དབང་ཆེན་སྐབས་དང་འདྲ་བར་འཕྲོད་བསྟེན་དང་བདེ་དོན་སོགས་ཀྱི་དང་བླངས་སྲི་ཞུ་རྣམས་གཞུང་འབྲེལ་མ་ཡིན་པའི་ཚོགས་པ་ཁག་གིས་སྒྲུབ་འཆར་ཡོད་འདུག ༧གོང་ས་སྐྱབས་མགོན་རྒྱལ་བ་རིན་པོ་ཆེ་མཆོག་སྤྱི་ཟླ་༡་བོའི་ཚེས་༡་ལ་གནས་མཆོག་རྡོ་རྗེ་གདན་དུ་ཆིབས་སྒྱུར་བསྐྱངས་ནས་མཛད་འཕྲིན་རྒྱ་ཆེན་ཞིག་བསྐྱང་འཆར་འདུག

XS
SM
MD
LG