ངོ་འཕྲད་བདེ་བའི་དྲ་འབྲེལ།

རྒྱ་གར་ནང་བོད་མི་བཙན་བྱོལ་བའི་ཁོངས་ནས་རྒྱ་གར་གྱི་མི་སེར་ཐོབ་ཐང་ཞུ་མཁན་མང་དུ་འགྲོ་བཞིན་ཡོད་པ་དང་། ཉེ་དུས་རྒྱ་གར་ཕྱི་སྲིད་ལས་ཁུངས་ཀྱིས་ལམ་སྟོན་གནང་བར་གཞིགས་ན་བོད་མི་དེ་དག་ལ་ད་ཡོད་བོད་པ་སྐྱབས་བཅོལ་བའི་ཐོབ་ཐང་རྣམས་མེད་པར་གྱུར་ཉེན་ཡོད་པ་རེད། རྒྱ་གར་གྱི་ཕྱི་སྲིད་ལས་ཁུངས་ཀྱིས་རྒྱ་གར་མི་སེར་ཐོབ་ཐང་ལེན་མཁན་བོད་པ་ཚོར་ཆ་རྐྱེན་གསར་པ་མང་པོ་ཞིག་བཟོས་ཡོད་པ་དང་། ཆ་རྐྱེན་དེ་དག་གི་ནང་རྒྱ་གར་གྱི་མི་སེར་ལེན་མཁན་བོད་མི་ཚོས་ད་ཡོད་སྐྱབས་བཅོལ་ལག་དེབ་དང་ཕྱིར་བསྐྱོར་ལག་དེབ་གསེར་པོ་ཕྱིར་སློག་བྱེད་དགོས་པ་མ་ཟད། བོད་མིའི་གཞིས་ཆགས་ནས་ཐོན་དགོས་པ་དང་བོད་མིའི་སྒྲིག་འཛུགས་ཀྱི་ཁེ་ཕན་གཞན་རྣམས་ལོངས་སུ་སྤྱོད་ཆོག་གི་མ་རེད་ཅེས་གསལ་ཡོད་པ་རེད།

XS
SM
MD
LG