ངོ་འཕྲད་བདེ་བའི་དྲ་འབྲེལ།

་ལོ་༢༠༡༧ ལོའི་སྤྱི་ཟླ་༥ཚེས་༢ཉིན་བོད་མདོ་སྨད་འབོ་རའི་ཕྱོགས་ཀྱི་ན་གཞོན་ཕྱག་རྡོར་སྐྱབས་ལགས་ཀྱིས་འབོ་ར་དགོན་པའི་ནང་དུ་རྒྱ་ནག་གཞུང་ལ་ངོ་རྒོལ་ཆེད་རང་ལུས་མེར་བསྲེགས་བཏང་ཞིང་། སྐབས་དེར་ཉེན་རྟོག་པས་ཁོང་བཙན་ཁྲིད་བྱས་རྗེས་གནས་ཚུལ་གང་ཡང་ཤེས་རྟོགས་མེད་པར་གྱུར་ཡོད། ད་རེས་གནས་ཚུལ་འབྱོར་བར་གཞིགས་ན། ཁོང་འདས་གྲོངས་སུ་གྱུར་ཡོད་པ་དང་སྐུ་ཕུང་ཡང་ཞུགས་འབུལ་བྱས་ཟིན་པ་ཡིན་ཞེས་ནང་མི་ལ་བརྡ་ལན་འབྱོར་ཡོད་འདུག གཞན་ཡང་ཕ་མ་གཉིས་ལ་དབང་བའི་ཁྱིམ་གྱི་རྒྱུ་ནོར་གཞུང་བཞེས་བཏང་བ་དང་། མ་འོངས་པར་ཕ་མ་སུ་ཞིག་གིས་བུ་ཕྲུག་ལ་སློབ་གསོ་ཡག་པོ་མ་རྒྱག་ཚེ་མཇུག་འབྲས་འདི་ལྟར་ཡོང་ཞེས་འཇིགས་སྐུལ་བྱས་འདུག ཕྱག་རྡོར་སྐྱབས་ལགས་ནི་ལོ་ན་བཅུ་དྲུག་ལ་སླེབས་ཀྱི་ཡོད་པ་དང་འབོ་ར་སློབ་འབྲིང་གི་སློབ་མ་རེད་འདུག

XS
SM
MD
LG