༄༅།། ཟླ་བ་སྔོན་མར་རྒྱ་ནག་གཞུང་གིས་སྲིད་འཛིན་ཟུར་པ་ཧུ་ཅིན་ཐའོ་ཡི་དུས་སྐབས་ཀྱི་མཐོ་རིམ་འགོ་ཁྲིད། ལིང་ཅི་ཧྭ་ལ་ལྐོག་ཟ་དང་ཁྲིམས་འགལ། དེ་བཞིན་དབང་ཆ་བེད་སྤྱོད་ལོག་པ་བཏང་བའི་ནག་ཉེས་བཙུགས་ཏེ། ལིང་ཅི་ཧྭ་རྒྱ་ནག་དམར་ཤོག་ཚོགས་པའི་ཁོངས་ནས་ཕྱིར་འབུད་བྱས་ཡོད་ཅིང་། ད་ལྟ་ཁོང་ལ་ཁྲིམས་བཤེར་བྱ་རྒྱུའི་གྲ་སྒྲིག་བྱེད་ཀྱི་ཡོད་པའི་མུར་ ཀྱང་རྒྱ་ནག་གཞུང་གིས་ཨ་མི་རི་ཀར་བྲོས་བྱོལ་དུ་སོང་བའི་ལིང་ཅི་ཧྭའི་སྤུན་མཆེད། ལིང་ཝན་ཁྲེང་ཨ་མི་རི་ཀའི་གཞུང་གིས་རྩད་གཅོད་བྱས་ནས་རྒྱ་ནག་ལ་ཕྱིར་སློག་བྱ་དགོས་པ་དང་། ལིང་ཝན་ཁྲེང་༢༠༡༣་དང་༢༠༡༤་གང་རུང་ཞིག་ལ་ཨ་མི་རི་ཀར་བྲོས་བྱོལ་དུ་སོང་ཡོད། ལིང་ཅི་ཧྭའི་བཟའ་ཟླ་བུ་ཕྲུག་དང་སྤུན་མཆེད་ཚོ་ལ་ཡང་ལྐོག་ཟ་དང་ཁྲིམས་འགལ་དང་འབྲེལ་བ་ཡོད་ཅེས་སྐྱོན་འཛུགས་བྱས་མོད། ཨ་མི་རི་ཀས་འབྲེལ་ཡོད་ལས་སྣེ་ཚོས་ལིང་ཝན་ཁྲེང་གང་དུ་ཡོད་མེད་རྙེད་ཀྱི་མི་འདུག་ཅེས་རྒྱ་ནག་ལ་ལན་འདེབས་བྱས་ཡོད་པ་རེད།