ངོ་འཕྲད་བདེ་བའི་དྲ་འབྲེལ།

རྒྱ་ནག་གཞུང་གིས་ལོག་ཆོས་སྤེལ་མཁན་ཚོགས་པ་ཞིག་གི་ཁོངས་མི་གཉིས་སྲོག་ཐོག་ཏུ་བཏང་།


རྒྱ་ནག་ཏུ། ལོག་ཆོས་སྤེལ་མཁན་ཚོགས་པ་ཞིག་གི་ཁོངས་མིའི་གྲས་བུད་མེད་གཅིག་དང་། དེའི་ཕ་ཡིས་ མེག་དྲཱ་ནལྟྲ་ཟ་ཁང་གི་ནང་། བུད་མེད་གཞན་གཅིག་ཚོགས་པ་དེའི་ཁོངས་སུ་འཇུག་རྩིས་བྱས་པར་བུད་མེད་དེས་ཉེན་འཇོག་མ་བྱས་པར་བརྟེན། ཉེས་བརྡུང་བཏང་སྟེ་སྐབས་དེ་རང་དུ་བསད་པའི་གནས་ཚུལ་བྱུང་ཡོད་སྟབས། གཟའ་ཟླ་བའི་ཉིན། རྒྱ་ནག་གཞུང་གི་ཁྲིམས་ཁང་ཞིག་གིས་ཁོང་གཉིས་སྲོག་ཐོག་ཏུ་བཏང་ཡོད་འདུག དེ་ཡང་། རྒྱ་ནག་གི་གཞུང་འབྲེལ་གསར་འགྱུར་བརྒྱུད་ལམ་ཁག་གི་ནང་གནས་ཚུལ་སྤེལ་གསལ་ལྟར་ན། གནས་ཚུལ་དེ། སྔ་ལོའི་ཕྱི་ཟླ་ལྔ་པར། རྒྱ་ནག་གི་ཤར་ཕྱོགས་ཞིང་ཆེན་ཤེན་གདོང་གི་གྲོང་ཚོ་ཀྲའོ་ཡུའན་ནང་བྱུང་ཡོད་པ་དང་། དེ་གར་ལོ་ན་༣༧ལ་སོན་པའི་བུད་མེད་ཝུ་ ཤུའུ་ཡན་ཟེར་བ་ཞིག་ལ། གོང་སྨྲོས་ལོག་ཆོས་སྤེལ་མཁན་ཕ་དང་བུ་མོ་དེ་དང་རོགས་པ་འགའ་ཞིག་གིས་རུབ་བརྒྱབ་སྟེ་ཉེས་བརྡུང་དྲག་པོ་བཏང་ནས་དམར་བསད་བཏང་ཡོད་ཅིང་། ལོག་ཆོས་སྤེལ་མཁན་ཚོགས་པ་དེ་ནི། ཡེ་ཤུའི་ཚོགས་པ་ཞིག་ཡིན་པ་དང་། དེས་སྤྱི་ལོ་ཉིས་སྟོང་བཅུ་གཉིས་ལོར་འཛམ་གླིང་སྟོང་རྒྱུ་ཡིན་ཚུལ་བཤད་ཡོད་པ་རེད།།

XS
SM
MD
LG