ཡེ་ཤུའི་བླ་ཆེན་སྤོབ་མཆོག་གིས་ཕྱི་ཟླ་༡༢ ནང་བོད་ཀྱི་བླ་ན་མེད་པའི་དབུ་ཁྲིད་༸གོང་ས་སྐྱབས་མགོན་ཆེན་པོ་མཆོག་དང་མཇལ་འཕྲད་མི་གནང་བ་དེ་རྒྱ་ནག་གི་གནོན་ཤུགས་ལ་བསྟུན་ནས་ཐག་གཅོད་གནང་བ་ཞིག་མ་ཡིན་ཞེས་གསུངས་འདུག ཕྱི་ཟླ་༡ ཚེས་༢༠ ཉིན་བླ་ཆེན་མཆོག་གིས་རྒྱལ་སྤྱིའི་གསར་འགོད་པར་རྒྱུན་ལྡན་འགྲོ་ལུགས་ལྟར་གྲོང་ཁྱེར་རཱོམ་དུ་རྒྱལ་སྤྱིའི་ཚོགས་ཆེན་དུ་ཕེབས་པའི་རྒྱལ་ཁབ་ཀྱི་དབུ་ཁྲིད་དང་གྲགས་ཅན་མཐོ་རིམ་མི་སྣར་མཇལ་འཕྲད་གནང་རྒྱུའི་སྲོལ་མེད་རེད་ཅེས་གསུངས་པ་དང་།