ཕྱི་ལོ་ ༢༠༡༤ ཟླ་ ༡༢ ཚེས་ ༣ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བྱང་ཆུབ་ལམ་རིམ་གྱི་གསུང་ཆོས་ཉིན་གཉིས་པའི་སྐབས་སོག་པོའི་ཆོས་ཞུ་བ་ཚོར་ཆེན་པོ་ཧོར་གྱི་བསྟན་བདག་སྐྱབས་རྗེ་ཁལ་ཁ་རྗེ་བཙུན་རིན་པོ་ཆེའི་ཡང་སྲིད་སོག་ཡུལ་དུ་འཁྲུང་རྒྱུ་ཡིན་པ་བཀའ་གནང་བ་དང་ མགོན་པོ་གང་ཉིད་དང་ཁལ་ཁ་རྗེ་བཙུན་སྐུ་གོང་མ་ཐུན་མོང་མ་ཡིན་པའི་འབྲེལ་བ་ཡོད་པ་དང་དམ་ཚིག་གཙང་མ་ཞིག་ཡིན་ སྐུ་ཚེ་མ་རྫོགས་གོང་ཡང་སྲིད་རྗེས་མ་སོག་ཡུལ་ནང་འཁྲུང་ཐུབ་པ་དགོས། ཞེས་ཞུས་པ་ཡིན་པས་ཏན་ཏན་སོག་ཡུལ་ནང་འཁྲུང་གི་རེད། ཞེས་སོགས་བཀའ་བསྩལ་ཡོད་པའི་སྐོར་འདི་གའི་གསར་འགྱུར་མཁོ་གཏོང་བ་བསྟན་འཛིན་བཟང་མོ་ལགས་ཀྱིས་གནས་ཚུལ་བཏང་བ་ཞིག་གསན་རོགས་གནང་།
