ངོ་འཕྲད་བདེ་བའི་དྲ་འབྲེལ།

ཨ་རིའི་ཚོང་དོན་སྐུ་ཚབ་ཀྱིས་ཧྥུ་རོན་མན་གྱིས་སྲིད་འཛིན་ཨོ་བྷ་མ་རྒྱ་ནག་ལ་ཚོགས་པའི་ཨེ་ཤི་ཡ་དང་ཞི་བདེ་རྒྱ་མཚོའི་མངའ་ཁུལ་གྱི་དཔལ་འབྱོར་མཉམ་འབྲེལ་མཐུན་ཚོགས་ཀྱི་ལོ་འཁོར་ཚོགས་ཆེན་ལ་ཕེབས་ཏེ། རྒྱ་ནག་དང་ཨ་མི་རི་ཀ་མཉམ་འབྲེལ་ཐོག་ཏུ་ཕྱོགས་གཉིས་ཀྱི་ཚོང་ལས་དང་དཔལ་འབྱོར་འབྲེལ་བ་རྒྱ་སྐྱེད་གཏོང་བའི་གྲོས་མོལ་གནང་བར་གྲུབ་འབྲས་གང་ལེགས་ཐོན་གྱིན་འདུག་ཅེས་བཤད་ཡོད།

གྲོས་མོལ་འདི་རྒྱ་ནག་དང་ཨ་མི་རི་ཀའི་འབྲེལ་བ་ཡར་རྒྱས་གཏོང་ཕྱོགས་ལ་གཏམ་བཟང་ཞིག་ཡིན་ཞིང་། འདི་ནི་རྒྱ་ནག་དང་ཨ་མི་རི་ཀ་གཉིས་མཉམ་འབྲེལ་བྱས་ནས་ཕྱོགས་གཉིས་ཀྱི་དཔལ་འབྱོར་དང་ཚོང་ལས་འབྲེལ་བ་རྒྱ་སྐྱེད་གཏོང་ཐུབ་ཀྱི་ཡོད་པའི་རྟགས་མཚན་ཡིན་པ་མ་ཟད། ད་སྔ་ཚོང་ལས་སྣ་མང་གི་ལམ་སྲོལ་ཞིག་ཚུགས་དེ་ལའང་རྒྱབ་སྐྱོར་བྱེད་ཐུབ་ཀྱི་ཡོད་པའི་རྟགས་མཚན་ཞིག་ཡིན།

སྲིད་འཛིན་ཨོ་བྷ་མས་རྒྱ་ནག་གི་འགོ་ཁྲིད་ཚོར་ཕྱོགས་གཉིས་མི་མཐུན་པའི་འགལ་ཟླ་ཡོད་པའི་གནད་དོན་ཁག་ཅིག་ལའང་གྲོས་མོལ་བྱས་ཡོད་པ་སྟེ། རྒྱ་ནག་གིས་མཚོ་ཁོངས་བདག་རྩོད་ཀྱི་འགལ་ཟླ་སློང་རྒྱུ་ཤུགས་ཆེ་རུ་གཏོང་གི་ཡོད་པ་དང་། རྒྱ་ནག་གི་འགོ་ཁྲིད་ཚོའི་གྲས་སུ་རྒྱ་ནག་སྟོབས་ཆེན་རྒྱལ་ཁབ་ཅིག་ལ་འགྱུར་བཞིན་པ་དེར་ཨ་མི་རི་ཀས་བཀག་སྐྱིལ་བྱེད་ཀྱི་ཡོད་པའི་དོགས་པ་ཡོད་པ་སེལ་ཐབས་བྱས་འདུག

XS
SM
MD
LG