བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལྷོ་ཨ་ཕྷི་རི་ཀའི་གྲོང་ཁྱེར་ཀེབ་ཊོན་ཏུ་འཛམ་གླིང་གི་ནོར་བྷེལ་ཞི་བདེའི་གཟེངས་རྟགས་བཞེས་མཁན་རྣམས་ཀྱི་ལྷན་ཚོགས་སུ་ཚོགས་བཞུགས་གནང་རྒྱུར་ཉེ་ལམ་ལྷོ་ཨ་ཕྷི་རི་ཀའི་གཞུང་གིས་༧གོང་ས་མཆོག་ལ་ ཐོངས་མཆན་ཝི་ས་མ་ཕུལ་བར་བརྟེན་། ནོར་བྷེལ་ཞི་བདེའི་གཟེངས་རྟགས་བཞེས་མཁན་སྐུ་སྐྱེས་མ་བཞི་ཐེ་བའི་ཞི་བདེ་གཟེངས་རྟགས་བཞེས་མཁན་གཞན་རྣམས་ཀྱིས་གོང་ཞུས་ལྷན་ཚོགས་ཀྱི་ནང་ཚོགས་ཞུགས་གནང་རྒྱུ་མིན་པའི་ངོ་རྒོལ་གནང་པར་བརྟེན་། ད་ཆ་ཞི་བདེའི་གཟེངས་རྟགས་བཞེས་མཁན་རྣམས་ཀྱི་ལྷན་ཚོགས་ཐེངས་༡༤པ་དེ་ཨི་ཊ་ལིའི་རྒྱལ་ས་རོམ་གྱི་ནང་། རིང་མིན་ཕྱི་ཟླ་༡༢པའི་ཚེས་༡༢ནས་ཚེས་༡༤བར་ཚོགས་གཏན་འཁེལ་ཡོད་པ་མ་ཟད་ སྐབས་དེར་༧གོང་ས་༧སྐྱབས་མགོན་ཆེན་པོ་མཆོག་ཀྱང་ཆེད་ཕེབས་གནང་རྒྱུ་ཡིན་པ་སྐུ་སྒེར་དྲུང་ཆེ་སྟག་ལྷ་བསྟན་འཛིན་ལགས་ཀྱིས་གསུངས་ཡོད་པ་རེད།
