ཉེ་ ལམ་ཨ་མི་རི་ཀའི་ནང་རྒྱལ་སྤྱིའི་རིས་མེད་ཆོས་བརྒྱུད་ལྷན་ཚོགས་ཐེངས་བཞི་པ་དེ་ སྐོང་ཚོགས་གནང་སྟེ་བོད་པའི་ཆོས་བརྒྱུད་ཁག་ཕན་མཚུན་འབྲེལ་ལམ་ཇེ་བཟང་དུ་ གཏོང་ཕྱོགས་དང་འབྲེལ་བའི་གནད་དོན་མང་པོའི་ཐད་གོ་བསྡུར་གནང་འདུག་ཅིང་། དེ་དང་ཕྱོགས་མཚུངས་ དྲ་ལམ་གྱི་ཐོག་ནས་རིས་མེད་ཆོས་བརྒྱུད་ལྷན་ཚོགས་ཀྱི་གླེང་སྟེགས་ཤིག་གསར་བསྐྲུན་ བྱས་ཡོད་པ་དེའི་ཐད་བོད་གཙོས་པའི་རྒྱལ་སྤྱིའི་ས་ཁུལ་གང་ས་ནས་མཁས་པ་དང་བླ་མ་ དགེ་བཤེས་སོགས་མང་པོས་ལྷན་ཞུགས་གནང་སྟེ་བོད་ཀྱི་ཆོས་དང་རིག་གཞུང་སོགས་གནད་ དོན་མང་པོའི་ཐད་བཀའ་བསྡུར་ཡང་ཡང་གནང་གི་ཡོད་པ་རེད།