རྒྱ་གར་གྱི་ཁྲིམས་ཁང་ནང་གཏུགས་བཤེར་ལོ་ཤས་བྱས་རྗེས་མཐར་ཕྱི་ལོ་༢༠༡༠ ལོར་རྒྱ་གར་ཁྲིམས་ ཁང་ཞིག་གིས་གནམ་རྒྱལ་སྒྲོལ་དཀར་ལགས་ལ་རྒྱ་གར་མི་སེར་གྱི་ལག་འཁྱེར་གནང་ཡོད་པ་རེད། དེའི་རྗེས་ཙམ་ནས་བཟུང་ རྒྱ་གར་ནང་གནས་བཞུགས་བོད་མི་ཚོས་ཡུལ་མིའི་མི་སེར་ཞུ་དགོས་མིན་དང་ ཞུས་པ་ཡིན་ན་དགེ་མཚན་དང་གནོད་སྐྱོན་གང་འདྲ་ཡོད་མིན་ཐད་བཙན་འབྱོལ་བོད་པའི་སྤྱི་ཚོགས་ཁྲོད་བགྲོ་གླིང་སྣ་མང་བྱུང་ཡོད། བགྲོ་ གླིང་མདུན་ལྕོག་ལས་རིམ་གྱིས་གནམ་རྒྱལ་སྒྲོལ་དཀར་ལགས་གདན་འདྲེན་ཞུས་ཏེ་ཁོང་གིས་རྒྱ་གར་མི་སེར་ཞུས་པའི་བརྒྱུད་རིམ་ལ་ཕྱིར་བལྟ་བྱེད་ཀྱི་རེད།