ཟླ་བ་འདིའི་ཚེས་༢༦ ནས་༢༨ བར་ཉིན་གྲངས་གསུམ་ཀྱིས་རིང་བཞུགས་སྒར་རྡ་རམ་ས་ལར་ལུས་སེམས་སྲོག་གི་བགྲོ་གླིང་ཚོགས་ཆེན་བསྐོང་ཚོགས་གནང་ཡོད་པ་དང། དབུས་སྨན་རྩི་ཁང་གིས་གོ་སྒྲིག་གནང་བའི་ཚོགས་ཆེན་དེ་ལ་མཁས་དབང་༢༠ ཙམ་ལྷན་ཞུགས་གནང་སྟེ་ལུས་སེམས་སྲོག་གི་ངོས་འཛིན་དང་གནས་ལུགས་སྐོར་དང་ ལུས་སེམས་སྲོག་གི་འབྲེལ་བའི་སྐོར་ དེ་བཞིན་ ལུས་སེམས་སྲོག་གི་འཁྲུགས་རྐྱེན་གྱིས་སྐོར་སོགས་གནད་དོན་མང་པོའི་ཐོག་བགྲོ་གླིང་གནང་ཡོད་པ་རེད།  བགྲོ་གླིང་མདུན་ལྕོག་ལས་རིམ་གྱིས་ཚོགས་ཆེན་གོ་སྒྲིག་གནང་མཁན་ཚོགས་ཆུང་གི་འགན་འཛིན་དགེ་བཤེས་བསྟན་པ་བཀྲིས་ལགས་དང་ཚོགས་ཆེན་ལ་མཉམ་ཞུགས་གནང་མཁན་གཡུ་སྒྲོན་ལགས་གཉིས་སུ་གདན་འདྲེན་གྱིས་གླེང་མོལ་ཞུ་གི་ཡོད།