ཟླ་བ་འདིའི་ཚེས་༨ ནས་༩ བར་ཉིན་གྲངས་གཉིས་རིང་ཡོ་རོབ་ཀྱིས་རྒྱལ་ཁབ་ཇར་མི་ནིའི་གྲོང་ཁྱེར་ཊོཏ་མོན་ནང་རྒྱལ་སྤྱིའི་སྤྱི་ཚོགས་ཀྱིས་ན་གཞོན་མཐུན་ཚོགས་ཀྱི་ཚོགས་ཆེན་ཚོགས་ཏེ་བོད་དོན་ཐེ་བའི་གནད་དོན་མང་པོའི་ཐད་གོ་བསྡུར་བྱས་ཡོད་ཅིང། འཛམ་གླིང་ཡུལ་གྲུ་༦༠ ལྷག་ནས་འཐུས་མི་༡༣༠ ལྷག་འདུ་འཛོམས་བྱུང་བའི་ཚོགས་ཆེན་སྐབས་བོད་དོན་ཐོག་ལ་གྲོས་ཆོད་ཞིག་འཇོག་ཐུབ་ཡོད་པ་རེད། ད་རིང་གི་བགྲོ་གླིང་མདུན་ལྕོག་ལས་རིམ་ལ་གོང་ཞུས་ཚོགས་ཆེན་ལ་མཉམ་ཞུགས་གནང་མཁན་བོད་ཀྱི་དབུས་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་ཚོགས་འདུའི་གལ་གནད་དང་འབྱུང་འབྲས་སོགས་ཀྱི་ཐད་ལ་གླིང་མོལ་ཞུ་གི་ཡོད།