བོད་མི་ཁྱད་ལས་པ་ཞིག་གིས་སློབ་གྲའི་སློབ་ཕྲུག་ལ་ལམ་སྟོན་གྱི་ལས་འགུལ་སྤེལ་པ།

བཙན་བྱོལ་བོད་མིའི་མཐའ་མཚོ་གཞིས་ཆགས་མིའོ་ཆོས་འཕེལ་གླིང་གཞིས་ཆགས་ནས་ཡིན་པ་བསྟན་འཛིན་ཚངས་དབྱངས་ལགས་ནི་དེང་སང་རྒྱ་གར་གྱི་གྲོང་ཁྱེར་སྦེང་ལོར་ནང་གཏན་གཞི་བྱས་པའི་ཕི་ལིབསེ་ཁེ་ལས་སྡེ་ཚན་གྱི་རིག་མཛོད་འཕྲུལ་ཆས་ཀྱི་འཆར་འགོད་ཁྱད་ལས་པ་ཞིག་ཡིན་པ་དང་། ཁོང་དང་ཁོང་གི་ཕྱག་སྦྲེལ་ཁྱད་པ་ཚོས་བོད་པའི་སློབ་གྲ་ཁག་གི་ནང་ཆེད་བསྐྱོད་བྱས་ཏེ་སོ་སོའི་ལས་རིགས་དང་རིག་གནས་ཐད་ལམ་སྟོན་དང་སྦྱང་བཤད་བྱེད་ཀྱི་ཡོད་པའི་སྐོར་བསྟན་འཛིན་ཚངས་དབྱངས་ལགས་ཀྱིས་ང་ཚོའི་གཟའ་འཁོར་འདིའི་གཞོན་སྐྱེས་དང་ཤེས་ཡོན་ལས་རིམ་ཐོག་གཏམ་བཤད་གནང་བ་ཞིག་གསན་གྱི་རེད།