ཨ་མི་རི་ཀའི་གཞུང་གིས་རྡུལ་ཕྲན་གྱི་གནད་དོན་ཐད་ དེ་སྔ་ཨི་རན་གཞུང་དང་གྲོས་མཐུན་བཞག་ཡོད་པ་དེ་ ད་ལྟའི་ཨ་མི་རི་ཀའི་སྲིད་འཛིན་ཌཱོ་ནལྜ་ ཊི་རམ་གྱིས་བརྩི་མེད་དུ་གཏོང་རྒྱུའི་ཐག་གཅོད་བྱས་པ་ཡིན་ན་ བློ་འགྱོད་པ་ཆེན་པོ་སྐྱེ་དགོས་པ་ཞིག་ཆགས་རྒྱུ་རེད་ཅེས་ ཨི་རན་གྱི་སྲིད་འཛིན་ཧཱ་སཱན་ རུ་ཧཱ་ནི་ཡིས་ཉེན་བརྡ་བཏང་ཡོད་པའི་སྐོར་ གསར་འགྱུར་བརྒྱུད་ལམ་ཁག་གི་ནང་ཐོན་པའི་གནས་ཚུལ་རྣམས་དཔལ་མོ་མཁས་གྲུབ་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་གི་རེད།