ངོ་འཕྲད་བདེ་བའི་དྲ་འབྲེལ།

གཟའ་པ་སངས། ༢༠༢༤/༠༣/༢༩

རེབ་གོང་མདོ་བའི་ན་གཞོན་གཉིས་ཀྱིས་རང་སྲེག་ངོ་རྒོལ།


ལོ་༢༤་ལ་སོན་པ་སྙིང་དཀར་བཀྲ་ཤིས།
ལོ་༢༤་ལ་སོན་པ་སྙིང་དཀར་བཀྲ་ཤིས།
དེ་རིང་ཕྱི་ཟླ་༡༡་ཚེས་༡༢་ཉིན་མདོ་སྨད་རེབ་གོང་མདོ་བ་ཞང་སྒྲོ་ཚང་སྡེ་བའི་ན་གཞོན་རང་ལོ་༢༤་ལ་སོན་པ་སྙིང་དཀར་བཀྲ་ཤིས་དང་། ཡང་མདོ་བ་ཞང་གི་རང་ལོ་༢༠་ཐམ་པར་སོན་པའི་ན་གཞོན་སྙིང་ལྕགས་འབུམ་ཞེས་པ་གཉིས་ཀྱིས་རྒྱལ་བ་རིན་པོ་ཆེ་བོད་ལ་ཕེབས་དགོས། བོད་ལ་རང་དབང་དགོས་པ་དང་པཎ་ཆེན་རིན་པོ་ཆེ་བཟང་བཙོན་འོག་ནས་གྲོལ་གྲོལ་གཏོང་དགོས་ཞེས་སྐད་འབོད་བྱས་ཏེ། རང་ལ་༢༤་ལ་སོན་པ་སྙིང་དཀར་བཀྲ་ཤིས་ཀྱིས་བོད་ནང་གི་ཕྱི་དྲོའི་ཆུ་ཚོད་༣་དང་སྐར་མ་༡༥་ཡས་མས་སུ་རང་ལུས་མེར་སྲེག་བཏང་སྟེ་རྒྱ་ནག་གི་དབང་སྒྱུར་ལ་ངོ་རྒོལ་བྱས་ནས་འདས་གྲོངས་སུ་གྱུར་པ་དང་། ཡང་དེའི་རྗེས་སུ་བོད་ནང་གི་ཕྱི་དྲོའི་ཆུ་ཚོད་༤་ཡས་མས་སུ་རང་ལ་༢༠་སོན་པ་སྙིང་ལྕགས་འབུམ་གྱིས་རང་ལུས་མེར་སྲེག་བཏང་སྟེ་རྒྱ་ནག་གི་དབང་སྒྱུར་ལ་ངོ་རྒོལ་བྱས་པའི་གནས་ཚུལ་ཐོན་ཡོད་ཅིང་། མདོ་བའི་ན་གཞོན་གཉིས་ཀྱིས་རང་སྲེག་ངོ་རྒོལ་བྱས་པའི་སྐབས་དེར་བདུན་ཕྲག་སྔོན་མར་རང་སྲེག་ངོ་རྒོལ་བྱེད་མཁན་འདས་པོ་རྟ་མགྲིན་འཚོ་དང་སྐལ་བཟང་སྦྱིན་གཉིས་ཀྱི་ཁྱིམ་ལ་བོད་པ་མྱ་ངན་དང་གདུང་སེམས་མཉམ་སྐྱེད་བྱེད་དུ་ཡོང་མཁན་ཧ་ཅང་མང་པོ་ཡོད་པས་དེ་རིང་གི་རང་སྲེག་ངོ་རྒོལ་བ་གཉིས་ཀྱི་སྔོན་མ་སྙིང་དཀར་བཀྲ་ཤིས་ཀྱི་ཕུང་པོ་རྒྱ་གཞུང་གི་ཉེན་རྟོག་པས་འཕྲོག་ཐུབ་མེད་པར་རང་ཁྱིམ་དུ་འཁྱེར་འདུག ད་དུང་རང་སྲེག་ངོ་རྒོལ་བ་གཞུག་མ་དེའི་གནས་ཚུལ་ཐོན་བཞིན་ཡིན་པས་ང་ཚོས་དུས་ཚོད་འགྲོ་རིམ་བཞིན་ཁ་སྣོན་བྱ་འཆར་ཡོད་པས་དེ་དོན་དགོངས་འཇགས་ཡོད་པ་ཞུ།།
XS
SM
MD
LG