བོད།

བཙན་དབང་གིས་ཨ་མ་དྲན་པ་བརྒྱལ་འདུག

ཚེ་རིང་བཀྲ་ཤིས།ཚེ་རིང་བཀྲ་ཤིས།
x
ཚེ་རིང་བཀྲ་ཤིས།
ཚེ་རིང་བཀྲ་ཤིས།
ད་རེས་སྤྱི་ཟླ་༡ཚེས་༡༢ཉིན་བོད་ཨ་མདོ་བླ་བྲང་ཁུལ་གྱི་ཨ་མཆོག་སྐྱིད་སྡེ་བའི་བོད་མི་ཚེ་རིང་བཀྲ་ཤིས་ལགས་ཀྱི་སྐུ་ཕུང་ཚེས་༡༣དགོང་དྲོ་གཞུང་ཕྱོགས་ཀྱིས་བཙན་དབང་འོག་ཞུགས་འབུལ་བྱེད་དུ་བཅུག་བཞག

དེ་ཡང་འདི་ག་རླུང་འཕྲིན་ཁང་ལ་བོད་ནས་འབྱོར་བའི་གནས་ཚུལ་ལྟར་ན། སྤྱི་ཚེས་༡༢ཉིན་བོད་མི་ཚེ་རིང་བཀྲ་ཤིས་ལགས་ཀྱིས་རང་སྲེག་ངོ་རྒོལ་རྗེས་འདས་གྲོངས་སུ་སོང་བ་དང་། ཉིན་དེར་ཁོང་གི་སྐུ་ཕུང་ཨ་མཆོག་སྐྱིད་སྡེ་བའི་རང་ཁྱིམ་དུ་གདན་འདྲེན་ཞུ་ཐུབ་ཡོད་ཀྱང་། ཉེན་རྟོག་པ་དང་སྤྱི་བདེ་ལས་ཁུངས་ཀྱི་སྣུམ་འཁོར་མང་པོ་སླེབས་ཏེ་སྐྱིད་སྡེ་བ་ཡོངས་སུ་བསྐོར་ནས་བོད་པའི་སྲོལ་རྒྱུན་བཞིན་འདས་པོ་ཁོང་ལ་བསྔོ་སྨོན་གནང་བར་ཕེབས་མཁན་ཨ་མཆོག་དགོན་པའི་དགེ་མདུན་པ་དང་གདུང་སེམས་མཉམ་སྐྱེད་བྱེད་དུ་ཡོང་མཁན་ཉེ་ཁོར་བོད་མི་རྣམས་བཀག་འགོག་བྱས་ཡོད་འདུག་ལ། དེའི་རྗེས་ཚོ་བའི་ཚོ་དཔོན་བར་དུ་བཏང་ནས་སྐུ་ཕུང་མགྱོགས་མྱུར་ཞུགས་འབུལ་བྱ་དགོས་པའི་བཀའ་བཏང་ཡོད་འདུག སྐབས་དེ་དུས་རང་སྲེག་ངོ་རྒོལ་གནང་མཁན་ཚེ་རིང་བཀྲ་ཤིས་ལགས་ཀྱི་ནང་མི་ཚོས་བོད་མིའི་སྲོལ་རྒྱུན་བཞིན་སྐུ་ཕུང་ཞུགས་འབུལ་ཐད་བླ་མར་ཞུ་དགོས་པ་དང་། ལྷག་པར་དུ་རི་སྡེ་ཚོ་བར་མཆོད་སྦྱིན་ལེགས་འགྲུབ་མ་གནང་བར་སྐུ་ཕུང་ཞུགས་འབུལ་བྱེད་སྲོལ་ཞིག་དེ་སྔ་བོད་ཀྱི་སྲོལ་རྒྱུན་ལུགས་སྲོལ་ཁྲོད་དུ་མེད་པ་སོགས་ཀྱིས་ངོས་ལེན་བྱེད་ཡོད་མི་འདུག ཡིན་ན་ཡང་དེའི་རྗེས་ཀན་ལྷོ་བསང་ཆུ་རྫོང་གི་སྤྱི་བདེ་ལས་ཁུངས་ཀྱི་འགོ་ཁྲིད་སོགས་ནས་བླ་བྲང་དུ་བཞུགས་ཡོད་པའི་ཨ་མཆོག་དགོན་པའི་བླ་ཆེན་ཨ་ལག་དབང་མ་ཚང་ཨ་མཆོག་དགོན་པར་ཁྲིད་ཡོང་སྟེ་ཚོ་བའི་ཚོ་དཔོན་ཚོ་སྐོང་ནས་གང་མགྱོགས་སྐུ་ཕུང་ཞུགས་འབུལ་བྱ་དགོས་པའི་བཙན་བཀའ་བཏང་འདུག་ལ། ལྷག་པར་དུ་གལ་ཏེ་གནས་ཚུལ་མ་ལེགས་པ་བྱུང་བ་ཡིན་ན། འགན་ཡོད་ཚད་ཁྱེད་ཚོས་ཁུར་དགོས་པ་སོགས་ཉེན་བརྡ་བཏང་བ་དང་། ཡང་སྤྱི་བདེ་ལས་ཁུངས་ཀྱི་འགོ་ཁྲིད་ཀྱིས་མ་གཞི་ནས་ཁྱིམ་ཚང་འདི་ནི་ཏཱ་ལའི་ཁ་བྲལ་བ་དང་འབྲེལ་བ་དམ་པོ་ཡོད་མཁན་ཞིག་ཡིན་པས་རང་འགར་མི་འཇོག་ཚུལ་གྱིས་ཅོག་ཙེ་སྒང་ལ་ཁུ་ཚུར་གྱིས་གཞུས་པ་སོགས་ཚོ་དཔོན་ཚོ་དངངང་འདར་ཤོར་དགོས་པ་བཟོས་པ་སོགས་ཀྱི་གནས་ཚུལ་བྱུང་བརྟེན་ཚེ་རིང་བཀྲ་ཤིས་ཀྱི་ཕ་གདུགས་དཀར་སྐྱབས་ཀྱིས་དོན་དག་ཆེན་པོ་བྱུང་ཚེ་སྡེ་བ་ཚོ་བར་དཀའ་ངལ་མི་ཡོང་ངམ་སྙམ་ཏེ་བླ་ཆེན་ཨ་ལག་དབང་མ་ཚང་གི་བཀའ་བཀོད་ལྟར་སྤྱི་ཚེས་༡༣ཉིན་གྱི་མཚན་མོ་སྐུ་ཕུང་བླ་རི་གུང་སྔོན་ཕྱོགས་ཀྱི་དུར་སར་ཞུགས་འབུལ་བྱས་པ་དང་། སྐུ་ཕུང་ཞུགས་འབུལ་སྐབས་ལ་ཡང་མཚན་མོ་མི་རྣམས་གཉིད་ལ་ཤོར་རྗེས་མི་ཁ་ཤས་ཤིག་ལས་མ་བཏང་བར་ཚེ་རིང་བཀྲ་ཤིས་ཀྱི་ཨ་མས་སྐུ་ཕུང་ཞུགས་འབུལ་དགོས་པའི་བཙན་དབང་གི་བཀའ་དེ་ཐོས་མ་ཐག་དྲན་པ་ཐོར་བས་སྨན་ཁང་དུ་བསྐྱལ་བའི་ལམ་བར་ལ་གཞི་ནས་དྲན་པ་གསོ་ཐུབ་པ་བྱུང་བཞག

ཚེ་རིང་བཀྲ་ཤིས་ལགས་ཀྱིས་སྤྱི་ཟླ་༡ཚེ་༡༢ཉིན་བོད་ཆས་གཙང་མ་ཞིག་གྱོན་ཏེ་བོད་མདོ་སྨད་བསང་ཆུ་རྫོང་ཨ་མཆོག་གྲོང་བརྡལ་གྱི་སྲང་ལམ་ནས་ཉིན་གུང་ཆུ་ཚོད་གཉིས་པ་ཙམ་ལ་རང་ལུས་སུ་ལྕགས་སྐུད་ཀྱིས་བསྡམས་ནས་ཀཱི་ཧོ་ཧོ། ༧རྒྱལ་བ་བསྟན་འཛིན་རྒྱ་མཚོ་ཞེས་སྐད་འབོད་བྱེད་མེ་ལྕེ་ཁྲོད་ནས་ཁྲོམ་སྐོར་བྱེད་པ་དང་དེའི་རྗེས་སར་འགྱེལ་ཏེ་འདས་གྲོངས་སུ་ཕྱིན་ཡོད། ཁོང་ནི་བོད་ཨ་མདོ་བླ་བྲང་ཁུལ་གྱི་ཨ་མཆོག་སྐྱིད་སྡེ་བ་ནས་ཡིན་ཞིང་། ཁོང་ནི་ཕ་གང་སེང་ཚང་གདུགས་དཀར་སྐྱབས་དང་མ་ཚེ་རིང་སྒྲོལ་མ་གཉིས་ཀྱི་བུ་གཅིག་པུ་འདི་ཡིན་ལ། ལོ་ན་༢༢ལ་སོན་པའི་ཚེ་རིང་བཀྲ་ཤིས་ལགས་ཀྱི་ཆུང་མའི་མིང་ལ་ཡུམ་མཚོ་སྐྱིད་ཟེར་གྱི་ཡོད་འདུག

ཚེ་རིང་བཀྲ་ཤིས་ལགས་ནི་རྒྱུན་དུ་མི་ཚང་དེའི་མི་རྒྱུད་ཀྱི་ཁྲོད་དུ་གཤིས་བཟང་ཡ་རབས་ཀྱི་བུ་ཆུང་གཅིག་པུ་དེ་ཡིན་པ་དང་། ཆུང་མ་ཡུམ་མཚོ་སྐྱིད་དང་མཉམ་དུ་ཁྱིམ་གྱི་ལས་ཀར་ཧུར་བརྩོན་བྱེད་མཁན་ཞིག་ཡིན་ པ་མ་ཟད། ཆུང་དུས་ནས་རྟ་ནོར་ལུག་གསུམ་ལ་སེམས་གཏིང་ནས་དགའ་ཞིང་། ཆུང་དུས་ནས་རྟ་རྩལ་འགྲན་སྡུར་ཁྲོད་ཡང་ཡང་ཨང་དང་པོ་ལེན་མྱོང་མཁན་ཞིག་ཀྱང་ཡིན་པ་མ་ཟད། ད་དུང་ཁོང་གི་སེམས་ནས་གཅེས་པའི་མདོ་རིག་རྟ་བོ་ཞིག་ཡོད་པ་དེ་སྔ་ཕྱི་རུ་རྫོང་ རིམ་པ་དང་ཁུལ་རིམ་པར་ཨང་དང་པོ་ལེན་མྱོང་ཡོད་འདུག ཚེ་རིང་བཀྲ་ཤིས་ཀྱི་ཁྱིམ་དུ་ཕ་མ་གཉིས་དང་ཆུང་མ་ལས་མེད་པ་དང་། ཁྱིམ་ཚང་གི་དཔལ་འབྱོར་གནས་སྟངས་ཡག་པོ་ཡོད་པ་མ་ཟད། ཁོང་གི་ཕ་གང་སེང་ཚང་གདུགས་དཀར་སྐྱབས་ནི་ལོ་མང་རིང་སྡེ་དཔོན་གྱི་ཕྱག་ལས་གནང་ མྱོང་མཁན་ཞིག་རེད་འདུག
བཙན་དབང་གིས་ཨ་མ་དྲན་པ་བརྒྱལ་འདུག
བཙན་དབང་གིས་ཨ་མ་དྲན་པ་བརྒྱལ་འདུགi
|| 0:00:00
...
 
🔇
X
Your JavaScript is turned off or you have an old version of Adobe's Flash Player. Get the latest Flash player.
བདེ་ཆེན་ཤག་ གྲགས་སྲས། ཆོས་དབྱངས་ལེན་མཁན།i
X
30.09.2014
བདེ་ཆེན་ཤག་གྲགས་སྲས་ལགས་ནི་སུད་སི་ནང་གནས་འཁོད་ཞལ་འདོན་དང་གཟུངས་སྔགས་སོགས་རྟ་དབྱངས་ཀྱི་ཐོག་ནས་འདོན་གནང་མཁན་ཞིག་ཡིན་ཞིང། ད་ཕན་ཁོང་སྒེར་གྱི་ངོས་ནས་ཆོས་དབྱངས་འོད་སྡེར་བདུན་ཙམ་བཏོན་གནང་ཡོད་པ་དང་གླུ་པ་གཞན་པའི་མཉམ་དུ་འོད་སྡེར་འགའ་ཤས་བཏོན་ཡོད་པ་རེད། དེ་བཞིན་ཁོང་གིས་བོད་ནང་དང་བཙན་བྱོལ་ནང་ལ་རོགས་སྐྱོར་ལས་དོན་མང་པོ་ཞིག་གཉེར་མུས་ རེད།
བརྙན་འཕྲིན།

བརྙན་འཕྲིན། བདེ་ཆེན་ཤག་ གྲགས་སྲས། ཆོས་དབྱངས་ལེན་མཁན།

བདེ་ཆེན་ཤག་གྲགས་སྲས་ལགས་ནི་སུད་སི་ནང་གནས་འཁོད་ཞལ་འདོན་དང་གཟུངས་སྔགས་སོགས་རྟ་དབྱངས་ཀྱི་ཐོག་ནས་འདོན་གནང་མཁན་ཞིག་ཡིན་ཞིང། ད་ཕན་ཁོང་སྒེར་གྱི་ངོས་ནས་ཆོས་དབྱངས་འོད་སྡེར་བདུན་ཙམ་བཏོན་གནང་ཡོད་པ་དང་གླུ་པ་གཞན་པའི་མཉམ་དུ་འོད་སྡེར་འགའ་ཤས་བཏོན་ཡོད་པ་རེད། དེ་བཞིན་ཁོང་གིས་བོད་ནང་དང་བཙན་བྱོལ་ནང་ལ་རོགས་སྐྱོར་ལས་དོན་མང་པོ་ཞིག་གཉེར་མུས་ རེད།
བརྙན་འཕྲིན།

བརྙན་འཕྲིན། དྲ་བརྙན་གསར་འགྱུར། ༢༠༡༤ ཟླ་ ༩ ཚེས་༢༩

ཧོང་ཀོང་གི་ངོ་རྒོལ་ལ་ཡ་ལན། བོད་རིགས་སློབ་མ་གསུམ་བསད་པ། ཉི་ཧོང་དང་བྱང་ཀོ་རི་ཡའི་གྲོས་མོལ། ཨ་རིའི་ཨི་བྷོ་ལཱ་ནད་པ་གསར་པ། རྒྱ་གར་སྲིད་བློན་གྱི་གཟིགས་སྐོར།
བརྙན་འཕྲིན།

བརྙན་འཕྲིན། སྐབས་༡༥ པའི་བོད་མི་མང་སྤྱི་འཐུས་ཚོགས་དུས་༨ པ།

ཐེངས་འདིའི་ལས་རིམ་ནང་ཉེ་ཆར་མཇུག་སྒྲིལ་ཙམ་ཡིན་པའི་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་༨པའི་སྐོར་དཔལ་ལྡན་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གདན་འདྲེན་ཞུས་ནས་བགྲོ་གླེང་ཞུ་རྒྱུ་དང་གསན་གཟིགས་གནང་མཁན་ཚོར་ཡང་ཐེངས་དེའི་ཚོགས་ཆེན་དང་འབྲེལ་བའི་གནས་ཚུལ་ཐད་དྲི་བ་ཞུ་རྒྱུའི་གོ་སྐབས་འབུལ་རྒྱུ་ཡིན།
བརྙན་འཕྲིན།

བརྙན་འཕྲིན། ཀུན་གླེང་གསར་འགྱུར། ༢༠༡༤ ཟླ་ ༩ཚེས་༢༦

ཨོ་བྷ་མས་རྒྱལ་ཚོགས་ལ་འབོད་སྐུལ། འཇིགས་སྐུལ་པར་གཏོར་རྒོལ། སྤྱོད་འཇུག་གསུང་ཆོས་ལེགས་གྲུབ། ལྷོ་ཤར་ཨེ་ཤི་ཡའི་ཆོས་ཞུ་བ། ཚོགས་ཆེན་ནས་ཕྱིར་འཐེན། ར་བཟི་ཉེན་རྟོག་པས་མི་ལ་རུབ་རྡུང། རྡ་སར་མཆོད་འབུལ་སྨོན་ལམ། རྒྱ་གར་གྱི་བར་སྣང་འཕྲུལ་སྐར། ཨ་རི་དང་ཨབ་གྷ་ཎི་སི་ཐན།
བརྙན་འཕྲིན།

བརྙན་འཕྲིན། ཀུན་གླེང་གསར་ཤོས།

འབྲེལ་མཐུད་བརྒྱུད་ལམ།