རེས་གཟའ་སྤེན་པའི་ཉིན་བོད་ཀྱི་ས་ཁུལ་ཨ་མདོ་རེབ་གོང་ནང་ལོ་ན ༢༤ སོན་པ་གསང་བདག་ཚེ་རིང་ལགས་ཀྱིས་རང་ལུས་མེར་བསྲེགས་བཏང་སྟེ་རྒྱ་ནག་གཞུང་ལ་ངོ་རྒོལ་གནང་ནས་འདས་གྲོངས་སུ་གྱུར་འདུག་པ་དང་། དེ་ནི་རེབ་གོང་ནང་དེ་ཉིན་རང་ལུས་མེར་བསྲེགས་བཏང་ནས་རྒྱ་ནག་གཞུང་ལ་ངོ་རྒོལ་གནང་མཁན་གཉིས་པ་དེ་ཡིན་པ་རེད། དེ་ཡང་ཕྱི་ཚེས་ ༡༧ ཉིན་གྱི་དགོང་དྲོ་བོད་ནང་གི་ཆུ་ཚོད་ ༧ ཡས་མས་ཙམ་ལ། རེབ་གོང་དགོན་ཤུལ་ནས་ཡིན་པ་རང་ལོ་ ༢༤ སོན་པ་གྱི་གསང་བདག་ཚེ་རིང་ལགས་ཀྱིས་བོད་མདོ་སྨད་རེབ་གོང་ཁུལ་རྩེ་ཁོག་རྫོང་རྡོ་དཀར་མོ་ཞང་སྲིད་གཞུང་ཡོད་ས་དེར། རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་བྱས་ཏེ་རང་ལུས་མེར་བསྲེགས་བཏང་ཡོད་པ་དང་། གསང་བདག་ཚེ་རིང་ལགས་ནི་རེབ་གོང་རྩེ་ཁོག་དགོན་ཤུལ་སྒར་བ་རུ་ཁག་བརྒྱད་པ་ནས་ཡིན་པ་དང་། ཕའི་མིང་ལ་ཆོས་དབྱིངས་ལོ་ ༥༡ དང་། མའི་མིང་ལ་སྨན་བླ་འཚོ་ལོ་ ༤༩ ། སྲིང་མོ་གཅིག་ཡོད་པའི་མིང་ལ་ཚེ་དབྱངས་སྐྱིད་ལོ་ ༢༩ ཡིན་འདུག ཁོང་གི་བཟའ་ཟླའི་མིང་ལ་རྟ་མགྲིན་འཚོ་ལོ་ ༢༤ ཡིན་པ་དང་། ཁོང་གཉིས་ལ་བུ་གཅིག་ཡོད་པའི་མིང་ལ་འདན་སྐྱབས་ཟེར་ཞིང་ལོ་ ༣ ཡིན་འདུག་པ་བཅས་ཀྱི་སྐོར། རེབ་གོང་ཁུལ་གྱི་གནས་ཚུལ་རྒྱུས་མངའ་ཆེ་བ་བོན་རྒྱ་བསྟན་འཛིན་རབ་རྒྱལ་ལགས་ལ་རྣམ་རྒྱལ་ཤཱསྟྲིས་གནས་འདྲི་ཞུས་པ་ཞིག་གསན་རོགས་གནང་།
གཟའ་སྤེན་པའི་ཉིན་བོད་མི་གཉིས་པ་ཞིག་གིས་རང་ལུས་མེར་བསྲེགས་ཏེ་ངོ་རྒོལ་བྱས་འདུག