ལོ་རབས་བརྒྱད་ཅུ་པའི་འགོ་སྟོད་ཙམ་ནས་ཚན་རིག་པ་དང་ནང་པའི་མཁས་པའི་དབར་བགྲོ་གླེང་གི་ལས་རིམ་ཞིག་འགོ་འཛུགས་གནང་རྗེས་སེམས་དང་སྲོག་བསྟི་གནས་ཁང་གིས་གོ་སྒྲིག་འོག་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཀྱིས་གཞི་དངོས་པོའི་གནས་ལུགས་ལ་ཚན་རིག་པ་ཚོའི་དཔྱད་པའི་གྲུབ་ཐོན་དང་དཔལ་ལནྜའི་གཞུང་ནས་གསུངས་པའི་རིགས་པའི་ལམ་དང་ལྟ་གྲུབ་ཐོག་ནས་ཡུལ་ལ་དཔྱད་པ་བྱས་པའི་གཞི་མའི་ལྟ་ཕྱོགས་སོགས་ལ་བརྗེ་ལེན་གྱི་ཚོགས་འདུ་རིམ་པར་འཚོགས་ཡོད་པ་མ་ཟད། བར་ལམ་ནས་བཙན་བྱོལ་བོད་མིའི་བཤད་གྲ་ཚོའི་ནང་སྲོལ་རྒྱུན་གཞུང་ཆེན་ལ་སློབ་གཉེར་གནང་བ་དང་ཆབས་ཅིག ཚན་རིག་ལ་དོ་སྣང་གོང་འཕེལ་ཡོང་ཐབས་ཀྱི་ལས་རིམ་ཞིག་ལག་བསྟར་གནང་ཡོད་པ་རེད། ད་ལམ་རྒྱ་གར་ལྷོ་ཕྱོགས་བྱེས་ཀྱི་གདན་ས་འབྲས་སྤུངས་སུ་ནུབ་ཕྱོགས་པའི་ཚན་རིག་པ་དང་། ནང་པའི་མཁས་པ་ཚོའི་དབར་བགྲོ་གླེང་ཚོགས་འདུ་གནང་ཡོད་པ་དེའི་ནང་རིས་མེད་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་མཁས་པ་དང་སློབ་གཉེར་བ་བརྒྱ་ཕྲག་མང་པོ་མཉམ་ཞུགས་གནང་ཡོད་པ་རེད། དེ་རིང་གི་བགྲོ་གླེང་ལེ་ཚན་ནང་དུ་སེམས་དང་སྲོག་ལྟེ་གནས་ཁང་གི་འགན་འཛིན་ལྷན་ཚོགས་ཀྱི་ཚོགས་མི་མཁས་དབང་ཐུབ་བསྟན་སྦྱིན་པ་ལགས་དང་བཞུགས་སྒར་བོད་ཀྱི་དཔེ་མཛོད་ཁང་གི་ངེས་སྟོན་པ་དགེ་བཤེས་ལྷག་རྡོར་ལགས་གཉིས་གདན་འདྲེན་ཞུས་ནས་ཚན་རིག་པ་དང་ནང་པའི་མཁས་པའི་བགྲོ་གླེང་ཚོགས་འདུའིི་འཕེལ་རིམ་དང་། ལྷག་པར་ད་ལམ་གྱི་བགྲོ་གླེང་ཚོགས་འདུ་དེས་གདན་ས་དང་དང་བཤད་གྲ་སོགས་ཀྱི་ནང་ཚན་རིག་སློབ་གཉེར་གྱི་ལས་རིམ་གོང་འཕེལ་ཡོང་རྒྱུར་ཕན་ཐོགས་ཇི་ཡོང་བཅས་ཀྱི་སྐོར་ལ་བགྲོ་གླེང་ཞུ་རྒྱུ་ཡིན།
ཀུན་གླེང་ནི་འཁོར་སྐར་བརྒྱུད་ནས་བལྟ་ཐུབ་པ་དང་ རླུང་འཕྲིན་ཐོག་ཏུ་ཉན་ ཐུབ་པ་མ་ཟད། ད་དུང་དྲ་རྒྱ་བརྒྱུད་ནས་ཀྱང་དུས་ཐོག་ཏུ་བལྟ་ཉན་བྱེད་ཐུབ་པ་དང༌། བདུན་ཕྲག་རེའི་གཟའ་ལྷག་པ་དང་གཟའ་པ་སངས་ནམ་ཡིན་ལ་འཛམ་གླིང་གཅིག་གྱུར་གྱི་ཆུ་ ཚོད་༡༤་ནས་༡༥་བར་རམ། ཡང་ན་ལྷ་སའི་དགོང་མོའི་ཆུ་ཚོད་༡༠་ནས་༡༡་བར་དུ་ཀུན་གླེང་ལ་བལྟ་ཉན་ཐུབ་ཅིང༌། བོད་དང་རྒྱ་ནག་ནས་ཁ་པར་ཨང་གྲངས་༡༠༨༨༨༨་མནན་ཚེ། ཨེ་ཊི་ཨེན་ཊི་ཞེས་པའི་སྒྲ་ཞིག་ཐོས། དེའི་རྗེས་སུ་ཁ་པར་ཨང་གྲངས་༨༦༦ ༨༣༧ ༥༡༥༩ མནན་ན་སྐུ་ཉིད་ཀྱིས་རིན་པ་སྤྲོད་མི་དགོས་པའི་ཁ་པར་དེ་ང་ཚོར་འཕྲོད། ཨ་རི་དང་རྒྱལ་ཁབ་གཞན་ནས་༡ ༢༠༢ ༦༡༩ ༣༧༧༤ མནན་ནས་ཁ་པར་འབྲེལ་མཐུད་པར་རིན་པ་ཨ་རིའི་རླུང་འཕྲིན་ཁང་ལ་སྤྲོད་དུ་འཇུག་ དགོས་ཞེས་མངགས་བཀོད་བྱེད་ན་ཁ་པར་གྱི་རིན་པ་ང་ཚོས་སྤྲོད་ངེས་ཡིན། ཡང་ན་སྔོན་ནས་སྐུ་ཉིད་ཀྱི་མིང་དང་ཁ་པར་ཨང་གྲངས་ང་ཚོར་བསྐུར་ཚེ། ང་ཚོས་ཀུན་གླེང་གི་བགྲོ་གླེང་སྐབས་སུ་སྐུ་ཉིད་ལ་འབྲེལ་བ་བྱེད་ཆོག་པ་དང༌། གལ་ཏེ་སྐུ་ཉིད་ཀུན་གླེང་ལ་དངོས་སུ་མཉམ་ཞུགས་མི་ཐུབ་ཀྱང་ང་ཚོར་ tibetantv@voanews.com བརྒྱུད་ནས་ཨི་མེལ་གཏོང་བའམ། ཡང་ན་ཧཕེཀ་སི་ཨང་གྲངས་༡ ༢༠༢ ༣༨༢ ༥༥༩༦ བརྒྱུད་ནས་དྲི་བ་བསྐུར་གནང་ཡོད་པ་ཞུ།