སྤྱི་ཟླ་བཅུ་བའི་ཚེས་བདུན་ཉིན་རང་ལུས་མེར་བསྲེགས་བཏང་སྟེ་རྒྱ་ནག་གཞུང་ལ་ངོ་རྒོལ་བྱས་ནས་འདས་གྲོངས་སུ་གྱུར་བ་ཡོད་མཁན་རྟ་མགྲིན་འཚོ་ཡི་ཁྱིམ་དུ་སྐབས་དེར་ས་ཆ་གང་ས་ནས་བོད་མི་སྟོང་ཕྲག་བརྒལ་བས་ཁ་བཏགས་དང་མཆོད་མེ་ཁྱེར་ཏེ་གདུང་སེམས་མཉམ་སྐྱེད་བྱེད་པར་ཡོང་ཡོད་པ་རེད་ལ། གདུང་སེམས་མཉམ་སྐྱེད་བྱེད་པར་ཡོང་མཁན་བོད་མི་ཞིག་གིས། ཉིན་དེར་གདུང་སེམས་མཉམ་སྐྱེད་བྱེད་པར་ཡོང་མཁན་བོད་མི་རྣམས་ལ། རྟ་མགྲིན་འཚོ་ཡི་ཨ་ཕས་བཀའ་མོལ་གནང་ཡོད་པ་ཇི་མ་ཇི་བཞིན་ཡིག་ཐོག་ཏུ་ཕབ་ཡོད་པ་ཕྱི་རྒྱལ་གྱི་བོད་ཡིག་གསར་ཁང་ཁག་ཏུ་འབྱོར་ཡོད། རྟ་མགྲིན་འཚོ་ཡི་ཨ་ཕས་བུ་མོ་རྟ་མགྲིན་འཚོ་ནི་བོད་མི་སྤྱིའི་དོན་དང་ལྷག་དོན་དུ་༧རྒྱལ་བ་པན་ཆེན་གཉིས་ཀྱི་ལོག་ཕེབས་རྒྱུའི་ཆེད་དུ་རང་ལུས་མེར་བསྲེགས་བཏང་བ་ཡིན་པ་ལས་ནང་མི་དང་བཟའ་ཚང་གི་དོན་དུ་གཏན་ནས་མ་ཡིན་པ་གསུངས་ཡོད་པ་སོགས་ཀྱི་སྐོར་ཚེ་རིང་སྐྱིད་ཀྱིས་སྙན་སྒྲོན་ཞུ་གནང་གི་རེད།
རང་སྲེག་ངོ་རྒོལ་བྱེད་མཁན་རྟ་མགྲིན་འཚོའི་ཨ་ཕ་དང་གླེང་མོལ་བྱེད་པ།