སྲིད་འཛིན་ཨོ་བྷ་མ་མཆོག་ནས་མེ་མདའི་རྐྱེན་ངན་ཇེ་ཉུང་དུ་གཏོང་རྒྱུར་དམིགས་པའི་སྲིད་འཛིན་གྱི་བཀའ་ཁྱབ་འཆར་གཞི་གསར་པ་ཞིག་གསལ་བསྒྲགས་གནང་བའི་རྗེས་སུ་གཟའ་ཕུར་བུའི་ཉིན་ཨ་རིའི་གསར་འགྱུར་བརྙན་འཕྲིན་ཁང་ཆེ་ཤོས་སི་ཨན་ཨན་གྱིས་གོ་སྒྲིག་ཞུས་པའི་མེ་མདའ་དོ་དམ་ཐད་ཀྱི་ཁོང་གི་འཆར་གཞི་གསར་པ་དེ་མང་ཚོགས་ལ་ངོ་སྤྲོད་ཆེད་དྲི་བ་དྲིས་ལན་གྱི་ལས་རིམ་ཞིག་སྤེལ་བ་དང་། སྲིད་འཛིན་མཆོག་ནས་ཨ་རིའི་རྒྱལ་ཡོངས་མེ་མདའ་ལྷན་ཚོགས་ཟེར་བའི་དབང་ཤུགས་ཆེ་བའི་ཚོགས་པ་དེ་ལ་སྐྱོན་བརྗོད་གནང་ཡོད་པ་རེད།
