ཨ་རིའི་གྲོས་ཚོགས་ཀྱི་རྒྱ་ནག་ཉམས་ཞིབ་ལྷན་ཁང་གིས་༢༠༡༤ ལོའི་སྙན་ཐོའི་ནང་ལོ་གཅིག་ནང་ བོད་དུ་ཆབ་སྲིད་དང་ཆོས་དད་ཀྱི་རྐྱེན་པས་རང་ལུས་མེར་སྲེག་གི་ངོ་རྒོལ་ཉུང་དུ་འགྲོ་བ་དང་བསྟུན་རྒྱ་ནག་གཞུང་གིས། ཉེས་ཆད་གཅོད་རྒྱུ་དང་སྲུང་ཆའི་ཐབས་ལམ་ཤུགས་ཆེ་བ་བེད་སྤྱོད་བཏང་པ་རེད་ཅེས་གསལ་སྟོན་བྱས་འདུག སྙན་ཐོ་དེའི་ནང་བོད་ཀྱི་སྐད་ཡིག་དང་། དཔལ་འབྱོར་ཡར་རྒྱས། བོད་ཀྱི་རིག་གཞུང་དང་ཆོས་དད་རང་དབང་གི་གནས་བབས་གླེང་པ་དང་དུས་མཚུངས། རྒྱ་ནག་གཞུང་ལ་༧གོང་ས་ཏ་ལའི་བླ་མའམ་གང་གི་སྐུ་ཚབ་དང་ལྷན་དུ་དོན་ཕན་ལྡན་པའི་གྲོས་མོལ་དུ་ཞུགས་དགོས་རྒྱུ་སྐུལ་མ་ཞུས་ཤིང་། ཆབ་སྲིད་བཙོན་པའི་གྲངས་ཐོ་བཏོན་པར་གཞིགས་ན། བཀག་ཉར་འམ་བཙོན་དུ་ཚུད་པའི་བོད་མི་ཆབ་སྲིད་བཙོན་པ་མི་གྲངས་༦༣༩ ཡོད་པའི་སྐོར།
