བཙན་བྱོལ་བོད་མིའི་སྒྲིག་འཛུགས་ཀྱིས་བོད་མི་ཚོ་ཕན་ཚུན་འབྲེལ་མཐུད་བཟང་དུ་གཏོང་རྒྱུ་དང་འབྲེལ་ བོད་མིའི་གཞིས་ཆགས་ཁག་རང་ཁ་རང་གསོ་ཡོང་ཐབས་སླད་ སྤུན་གྲོགས་གཞིས་ཆགས་ཀྱི་ལས་གཞི་ཞིག་འགོ་བཙུགས་གནང་ཡོད་ཅིང། ལས་གཞི་འདིའི་ཐོག་ནས་ཨ་མི་རི་ཀའི་ནེའུ་ཡོག་དང་ནེའུ་ཇེར་སི་བོད་རིགས་སྤྱི་མཐུན་ཚོགས་པས་རྒྱ་གར་ནང་གི་གཞིས་ཆགས་གཉིས་བདག་སྐྱོང་གནང་རྒྱུའི་ཐག་གཅོད་བྱས་འདུག། བགྲོ་གླིང་མདུན་ལྕོག་ལས་རིམ་གྱིས་ལས་གཞི་འདིའི་དམིགས་ཡུལ་དང་གལ་གནད་སྐོར་འབྲེལ་ཡོད་འབྲེལ་གསུམ་དང་གླེང་མོལ་བྱེད་ཀྱི་རེད།