རླུང་འཕྲིན། / ཆོས་རིག་ལེ་ཚན།

ཆོས་རིག་ལེ་ཚན། ལས་རིམ་འདི་གོ་སྒྲིག་ཞུ་མཁན་ཀུན་བཟང་སྒྲོལ་མ་ཡིན་ ལས་རིམ་འདིའི་ནང་ ནང་ཆོས་དང་ ནང་ཆོས་དང་འབྲེལ་བའི་བོད་ཀྱི་རིག་གཞུང་སྐོར་བཅས་ལ་མཁྱེན་རྒྱ་ཡངས་པའི་བླ་མ་ དང་ དགེ་བཤེས་ མཁས་པ་སོགས་ལ་གནས་དྲི་ཞུས་པ་དང་ དེ་བཞིན་སྐབས་རེ་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ནང་ཆོས་ངོ་ སྤྲོད་གནང་པ་ཁག་རྒྱང་སྲིང་ཞུ་གི་ཡོད་ ལས་རིམ་དེ་གསན་ནས་ཕན་ཐོགས་ཡོང་བའི་རེ་བ་ཞུ་གི་ཡོད།

  • རྒྱང་སྲིང་དུས་ཚོད། Saturdays
  • འཛམ་གླིང་གཅིག་གྱུར་གྱི་དུས་ཚོད། 0000
  • ལེ་ཚན་རིང་ཐུང་། 25


སྤྱི་ཟླ་བདུན་པའི་ 26, 2015

ཡོན་ཏན་གཞིར་འགྱུར་མའི་ཕྱག་དཔེ།༼༣༽

རྡ་རམ་ས་ལའི་རིག་ལམ་སློབ་གཉེར་ཁང་གི་དཔེ་ཁྲིད་དགེ་རྒན་དགེ་བཤེས་བློ་བཟང་ཟླ་བ་ལགས་ཀྱིས་ཡོན་ཏན་གཞིར་འགྱུར་མའི་ནང་དོན་འགྲེལ་བཤད་གནང་བའི་དུམ་བུ་གསུམ་པ་དེ་གསན་གྱི་རེད།


སྤྱི་ཟླ་བདུན་པའི་ 19, 2015

ཆོས་འཁོར་དང་པོ་བདེན་བཞི་ཆོས་འཁོར།

སངས་རྒྱས་བཅོམ་ལྡན་འདས་སངས་རྒྱས་པའི་རྗེས་བདུན་ཕྲག་འགའ་ཤས་ཤིག་རིང་ཆོས་གསུངས་མེད་པ་དང་ དེ་ནས་ལྷ་ཚངས་པ་དང་རྒྱ་བྱིན་ལ་སོགས་པས་གསོལ་བ་བཏབ་པ་བཞིན་ བོད་ཟླ་༦པའི་ཚེས་༤ཉིན་བཅོམ་ལྡན་འདས་ཀྱིས་ཡུལ་ཝ་ར་ན་སིར་འཁོར་ལྔ་སྡེ་བཟང་པོ་ལ་སོགས་པའི་གདུལ་བྱ་རྣམས་ལ་བདེན་བཞིའི་ཆོས་འཁོར་བསྐོར་གནང་བའི་ཐད་དགེ་བཤེས་འཇམ་དཔལ་སེང་གེ་ལགས་ཀྱིས་འགྲེལ་བཤད་གནང་བ་ཞིག་དང་ དེ་བཞིན་༧གོང་ས་མཆོག་གིས་ནང་ཆོས་ངོ་སྤྲོད་གནང་བ་ཞིག་བཅས་ཀུན་བཟང་སྒྲོལ་མས་ཕྱོགས་བསྒྲིགས་ཞུས་པ་ཞིག་གསན་རོགས་གནང་།


སྤྱི་ཟླ་བདུན་པའི་ 05, 2015

དགེ་ལུགས་ཚོགས་ཆེན་མཇུག་བསྒྲིལ་ཉིན་༧གོང་ས་མཆོག་གིས་བཀའ་སློབ། ༼༢༽

ཕྱི་ཟླ་༦པའི་ཚེས་༢༤འི་ཉིན་བཞུགས་སྒར་རྡ་རམ་ས་ལར་དགེ་ལུགས་རྒྱལ་ཡོངས་ཚོགས་ཆེན་ཐེངས་དང་པོ་མཇུག་བསྒྲིལ་གནང་བའི་ཚོགས་མགོན་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཆིབས་བསྒྱུར་གནང་སྟེ་ ལམ་སྟོན་བཀའ་སློབ་བསྩལ་བའི་དུམ་བུ་གཉིས་པའམ་མཐའ་མ།


སྤྱི་ཟླ་དྲུག་པའི་ 28, 2015

དགེ་ལུགས་ཚོགས་ཆེན་མཇུག་བསྒྲིལ་ཉིན་༧གོང་ས་མཆོག་གིས་བཀའ་སློབ།

ཕྱི་ཟླ་༦པའི་ཚེས་༢༤ཉིན་བཞུགས་སྒར་རྡ་རམ་ས་ལར་དགེ་ལུགས་རྒྱལ་ཡོངས་ཚོགས་ཆེན་ཐེངས་དང་པོ་མཇུག་བསྒྲིལ་གནང་བའི་ཚོགས་མགོན་དུ་སྤྱི་ནོར་༧གོང་༧སྐྱབས་མགོན་ཆེན་པོ་མཆོག་ཆིབས་བསྒྱུར་གནང་སྟེ་ལམ་སྟོན་བཀའ་སློབ་གནང་བའི་དུམ་བུ་གཅིག་གསན་རོགས་གནང་།


སྤྱི་ཟླ་དྲུག་པའི་ 21, 2015

རྗེ་ཙོང་ཁ་པ་ཆེན་པོས་མཛད་པའི་ཡོན་ཏན་གཞིར་འགྱུར་མའི་ནང་དོན།་༼༢༽

རྡ་རམ་ས་ལར་ཡོད་པའི་རིག་་ལམ་སློབ་གཉེར་ཁང་གི་དཔེ་ཁྲིད་དགེ་རྒན་དགེ་མཤེས་བློ་བཟང་ཟླ་བ་ལགས་ཀྱིས་འཇམ་མགོན་བླ་མ་ཙོང་ཁ་པ་ཆེན་པོས་མཛད་པའི་ཡོན་ཏན་གཞིར་འགྱུར་མའི་ནང་དོན་འགྲེལ་བརྗོད་གནང་བའི་དུམ་བུ་གཉིས་པ་དེ་གསན་རོགས་གནང་།


སྤྱི་ཟླ་དྲུག་པའི་ 14, 2015

རྗེ་ཙོང་ཁ་པ་ཆེན་པོས་མཛད་པའི་ཡོན་ཏན་གཞིར་འགྱུར་མའི་ནང་དོན། ༼༡༽

རྡ་རམ་ས་ལར་ཡོད་པའི་རིག་་ལམ་སློབ་གཉེར་ཁང་གི་དཔེ་ཁྲིད་དགེ་རྒན་དགེ་མཤེས་བློ་བཟང་ཟླ་བ་ལགས་ཀྱིས་འཇམ་མགོན་བླ་མ་ཙོང་ཁ་པ་ཆེན་པོས་མཛད་པའི་ཡོན་ཏན་གཞིར་འགྱུར་མའི་ནང་དོན་འགྲེལ་བརྗོད་གནང་བའི་དུམ་བུ་དང་པོ་དེ་གསན་རོགས་གནང་།


སྤྱི་ཟླ་དྲུག་པའི་ 07, 2015

སྤྱོད་འཇུག་མཛད་པ་པོ་སློབ་དཔོན་ཆེན་པོ་ཞི་བའི་ལྷའི་སྐུ་ཚེའི་ལོ་རྒྱུས་སྙིང་བསྡུས།

བོད་ཀྱི་རྒྱལ་ས་ལྷ་སའི་ཉེ་ཁུལ་དགའ་ལྡན་དགོན་པའི་དགེ་འདུན་པ་སྐུ་ཞབས་སྙན་གྲགས་ལགས་ཀྱིས་ལོ་འགའ་ཤས་ཤིག་གི་གོང་དུ་སྟག་ལུང་བྲག་དགོན་པའི་ནང་དད་ལྡན་མང་ཚོགས་ལ་སྤྱོད་འཇུག་མཛད་པ་པོ་སློབ་དཔོན་ཆེན་པོ་ཞི་བ་ལྷའི་སྐུ་ཚེའི་ལོ་རྒྱུས་སྙིང་བསྡུས་་ཤིག་ངོ་སྤྲོད་གནང་པ་དང་ དེ་བཞིན་བྱང་ཆུབ་སེམས་ཀྱི་ཕན་ཡོན་སྐོར་གསུང་པ་ཞིག་གསན་རོགས་གནང་།


སྤྱི་ཟླ་ལྔ་པའི་ 31, 2015

སྨྱུང་གནས་ཉམས་ལེན་བྱེད་སྟངས་སྐོར།

ས་ག་ཟླ་བའི་ནང་དུས་ཆེན་ཁྱད་པར་ཅན་གསུམ་མཉམ་དུ་འཁེལ་གྱི་ཡོད་པར་བརྟེན་དེའི་སྐབས་བོད་བརྒྱུད་ནང་པའི་ཆོས་བརྒྱུད་ཉམས་ལེན་བྱེད་མཁན་དད་ལྡན་པ་ཚོས་སྨྱུུང་གནས་དང་ གསོ་སྦྱོང་སོགས་ཉམས་ལེན་བྱས་ཏེ་ དཀར་པོ་དགེ་བའི་ལས་ལ་བརྩོན་ཐབས་བྱེད་ཀྱི་ཡོད་པའི་སྐོར་ཨ་མི་རི་ཀའི་ནུབ་བྱང་མངའ་སྡེ་ཝ་ཤིང་ཊོན་གྱི་གྲོང་ཁྱེར་སི་ཨ་ཊེལ་དུ་ཡོད་པའི་ས་སྐྱ་ཆོས་ཆོགས་ཀྱི་མཁན་པོ་བྱམས་པ་བསྟན་འཕེལ་ལགས་སུ་ཀུན་བཟང་སྒྲོལ་མས་གནས་འདྲི་ཞུས་པ་ཞིག་གསན་རོགས་གནང་།


སྤྱི་ཟླ་ལྔ་པའི་ 24, 2015

ས་ག་ཟླ་བའི་དུས་ཆེན་ངོ་སྤྲོད།

ཨ་མི་རི་ཀའི་མངའ་སྡེ་མེ་རི་ལེན་ཊིའི་ནང་ཡོད་པའི་འབྲི་གུང་བཀའ་བརྒྱུད་ཆོས་ཚོགས་ཀྱི་མཁན་པོ་ཚུལ་ཁྲིམས་ལགས་ཀྱིས་ས་ག་ཟླ་བའི་དུས་ཆེན་ངོ་སྤྲོད་གནང་བ་ཞིག་ཀུན་བཟང་སྒྲོལ་མས་ཕྱོགས་བསྒྲིགས་དང་སྙན་སྒྲོན་ཞུ་གི་རེད།


སྤྱི་ཟླ་ལྔ་པའི་ 17, 2015

ནང་སེམས་ལ་བདེ་སྐྱིད་བསྐྲུན་སྟངས་སྐོར།

ཉེ་ཆར་ཟླ་བ་འདིའི་ཟླ་སྟོད་དུ་འབྲི་གུང་ཆེ་ཚང་རིན་པོ་ཆེ་མཆོག་གིས་རྒྱལ་ས་ཝ་ཤིང་ཊོན་གྱི་ཉེ་འགྲམ་དུ་ཡོད་པའི་མངའ་སྡེ་ཝ་ཇི་ནི་ཡའི་ས་གནས་ཤིག་ཏུ་འབྲི་གུང་འཕོ་བ་ཆེན་མོའི་དབང་གནང་གྲུབ་པའི་རྗེས་དད་ལྡན་མང་ཚོགས་ལ་འཛམ་གླིང་ནང་ཞི་བདེ་བསྐྲུན་སྟངས་སྐོར་བཀའ་སློབ་གསུང་བཤད་གནང་བ་ཞིག་གསན་གྱི་རེད།


སྤྱི་ཟླ་ལྔ་པའི་ 11, 2015

འབྲི་གུང་འཕོ་བ་་ཆེན་མོའི་སྐོར

ཉེ་ལམ་ཕྱི་ཟླ་༤པའི་ཚེས་༣༠ནས་ཕྱི་ཟླ་༥པའི་ཚེས་༣བར་ཉིན་གྲངས་བཞིའི་རིང་འབྲི་གུང་སྐྱབས་མགོན་ཆེ་ཚང་རིན་པོ་ཆེ་མཆོག་གིས་འདི་ག་ཨ་མི་རི་ཀའི་མངའ་སྡེ་ཝི་ཇི་ནི་ཡའི་ས་གནས་ཤིག་ཏུ་རྒྱལ་བ་འོད་དཔག་མེད་དང་ ཚེ་དཔག་མེད་ཀྱི་དབང་དང་ དེ་བཞིན་འབྲི་གུང་འཕོ་བ་ཆེན་མོའི་དབང་བཅས་གནང་ཡོད་པའི་སྐོར་ཨ་རིའི་གྲོང་ཁྱེར་ལོ་སི་ཨན་ཇི་ལི་སིའི་ནང་ཡོད་པའི་འབྲི་ཁུང་རིན་ཆེན་ཆོས་གླིང་ཆོས་ཚོགས་ཀྱི་འགན་འཛིན་བླ་མ་ཐུབ་བསྟན་ཉི་མ་ལགས་སུ་ཀུན་བཟང་སྒྲོལ་མས་གནས་འདྲི་ཞུས་པ་ཞིག་གསན་རོགས་གནང་།


སྤྱི་ཟླ་བཞི་པའི་ 12, 2015

༧གོང་ས་མཆོག་གིས་སུ་སིར་གནས་འཁོད་བོད་མི་རྣམས་ལ་གནང་བའི་བཀའ་སློབ།

༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དེ་སྔ་ལོ་ངོ་གཉིས་མིན་ཙམ་ཞིག་གི་གོང་དུ་སུ་སི་དང་ ལེག་ཏན་ཤི་སི་ཏན་ས་གནས་སུ་གནས་འཁོད་བོད་མི་རྣམས་ལ་རང་མི་རིགས་ཀྱི་རིག་གཞུང་གཅེས་འཛིན་བྱེད་དགོས་རྒྱུ་ཧ་ཅང་གལ་ཆེན་པོ་ཡིན་པའི་སྐོར་ལམ་སྟོན་བཀའ་སློབ་གནང་བའི་དུམ་བུ་ཞིག་གསན་རོགས་གནང་།


སྤྱི་ཟླ་བཞི་པའི་ 05, 2015

ནང་པས་དམར་ཟས་ལོངས་སྤྱད་ཕྱོགས་ཀྱི་ཐད་ལྟ་ཚུལ་འཛིན་སྟངས།

སྟོན་པ་བཅོམ་ལྡན་འདས་ཀྱིས་གནས་བརྟན་སྡེ་པའི་ལུགས་ཀྱི་དད་ལྡན་ནང་པ་རྣམས་ལ་དམར་ཟས་ལོངས་སྤྱད་ཕྱོགས་ཀྱི་ཐད་བཀའ་ག་རེ་གནང་ཡོད་མེད་དང་ དེ་བཞིན་ཐེག་ཆེན་པ་རྣམས་ཀྱིས་དམར་ཟས་ལོངས་སྤྱད་ཕྱོགས་ཀྱི་ཐད་ལྟ་ཚུལ་ག་རེ་ཡོད་མེད་སོགས་ཀྱི་ཐད་ དེ་སྔ་༧གོང་ས་མཆོག་གིས་བཀའ་བསྩལ་གནང་བ་ཞིག་དང་ དེ་བཞིན་འབྲི་ཁུང་བཀའ་བརྒྱུད་ཆོས་ཚོགས་ཀྱི་མཁན་པོ་ཚུལ་ཁྲིམས་ལགས་སུ་ཀུན་བཟང་སྒྲོལ་མས་གནས་འདྲི་ཞུས་ཞིག་གསན་རོགས་གནང་།


སྤྱི་ཟླ་གསུམ་པའི་ 24, 2015

བཙན་བྱོལ་བོད་གཞུང་ཟློས་གར་ཚོགས་པས་ཞོ་སྟོན་ཐེངས་ཉི་ཤུ་པ་འཁྲབ་སྟོན་ཞུ་འཆར་ཡོད་པ་

༄༅། བཙན་བྱོལ་བོད་གཞུང་ཟློས་གར་ཚོགས་པས་བཞུགས་སྒར་རྡ་རམ་ས་ལར་ཞོ་སྟོན་རྒྱས་པ་སླར་གསོ་གནང་སྟེ་ད་ཆ་མི་ལོ་༢༠འཁོར་བའི་དུས་སྟོན་དེ་བཞིན་རིང་མིན་ཟླ་བ་འདིའི་ཚེས་༢༧ནས་ཕྱི་ཟླ་༤པའི་ཚེས་༥བར་ཉིན་གྲངས་བཅུའི་རིང་བོད་གཞུང་ཟློས་གར་ཚོགས་པ་གཙོ་བོར་གྱུར་བའི་རྒྱ་གར་གྱི་ས་ཕྱོགས་ཁག་དང་ དེ་བཞིན་བལ་ཡུལ་བཅས་ནང་གི་ལྷ་མོ་འཁྲབ་སྟོན་ཚོགས་པ་ཁག་གིས་ འཁྲབ་གཞུང་གཟིགས་འབུལ་ཞུ་འཆར་ཡོད་པ་དང་ ཉིན་དང་པོ་དབུ་འབྱེད་ཀྱི་མཛད་སྒོའི་ཚོགས་མགོན་དུ་༧གོང་ས་༧སྐྱབས་མགོན་ཆེན་པོ་མཆོག་ཆིབས་བསྒྱུར་བཀྲིན་ཆེ་གནང་མཛད་རྒྱུ་ཡིན་པའི་གནས་ཚུལ་ཞིག་གསན་རོགས་གནང་


སྤྱི་ཟླ་གསུམ་པའི་ 15, 2015

ནང་ཆོས་དང་ ཆོས་ལུགས་གཞན་གྱི་ཁྱད་པར།

རྡ་རམ་ས་ལའི་རིག་ལམ་སློབ་གཉེར་ཁང་གི་དགེ་བཤེས་བློ་བཟང་ཟླ་བ་ལགས་ཀྱིས་ནང་ཆོས་དང་ ཆོས་ལུགས་གཞན་གྱི་ཁྱད་པར་གྱི་སྐོར་དང་ དེ་བཞིན་ནང་པ་ཞིག་ཆགས་པ་ལ་ཆ་རྐྱེན་གང་དང་གང་འཛོམས་དགོས་པའི་སྐོར་འགྲེལ་བཤད་གནང་བ་ཞིག་གསན་རོགས་གནང་།


སྤྱི་ཟླ་གསུམ་པའི་ 08, 2015

༧གོང་ས་མཆོག་གིས་ནང་ཆོས་ངོ་སྤྲོད་གནང་བ།

༧གོང་ས་༧སྐྱབས་མགོན་ཆེན་པོ་མཆོག་གིས་དེ་སྔ་བཞུགས་སྒར་རྡ་རམ་ས་ལར་སྤྱོད་འཇུག་གི་གསུང་ཆོས་དངོས་གཞི་དབུ་འཛུགས་མ་གནང་གོང་དུ་ནང་ཆོས་ངོ་སྤྲོད་གནང་བའི་དུམ་བུ་གཅིག་གཤམ་དུ་གསན་གྱི་རེད།


སྤྱི་ཟླ་གསུམ་པའི་ 01, 2015

བླ་མ་དང་ སྤྱན་རས་གཟིགས་དབྱེར་མེད་ཀྱི་རྣལ་འབྱོར་མདོར་བསྡུས་ཤིག

རྡ་རམ་ས་ལའི་རིག་ལམ་སློབ་གཉེར་ཁང་གི་དགེ་རྒན་དགེ་བཤེས་བློ་བཟང་ཟླ་བ་ལགས་ཀྱིས་བླ་མ་དང་སྤྱན་རས་གཟིགས་དབྱེར་མེད་ཀྱི་རྣལ་འབྱོར་མདོར་བསྡུས་ཉམས་ལེན་བྱེད་སྟངས་ཐད་འགྲེལ་བཤད་གནང་བ་ཞིག་གསན་རོགས་གནང་།


སྤྱི་ཟླ་གཉིས་པའི་ 21, 2015

ཀུན་བཟང་བླ་མའི་ཞལ་ལུང་།

རྒྱ་གར་ལྷོ་ཕྱོགས་བོད་མིའི་གཞིས་སྒར་བྷེ་ལ་ཀུ་པིར་ཡོད་པའི་རྣམ་སྒྲོལ་གླིང་གྲྭ་ཚང་གི་དཔེ་ཁྲིད་དགེ་རྒན་སློབ་དཔོན་ཚི་རིང་དོན་གྲུབ་ལགས་ཀྱིས་ཀུན་བཟང་བླ་མའི་ཞལ་ལུང་གི་ ནང་དོན་འགྲེལ་བཤད་གནང་བ་ཞིག་གསན་རོགས་གནང་།


སྤྱི་ཟླ་གཉིས་པའི་ 15, 2015

བར་དོའི་སྐོར། ༼གཉིས་པ་༽

ཨ་རིའི་ནུབ་ཕྱོགས་མངའ་སྡེ་ཀེ་ལི་ཕྷོར་ནི་ཡའི་ནང་ཡོད་པའི་མཁན་པོ་ཀར་བསྟན་ལགས་ཀྱིས་བར་དོའི་སྐོར་འགྲེལ་བཤད་གནང་བའི་དུམ་བུ་གཉིས་དེ་གསན་རོགས།


སྤྱི་ཟླ་གཉིས་པའི་ 08, 2015

བར་དོའི་སྐོར།

ཨ་མི་རི་ཀའི་ནུབ་ཕྱོགས་མངའ་སྡེ་ཀེ་ལི་ཕྷོར་ནི་ཡའི་ནང་གནས་འཁོད་མཁན་པོ་ཀར་བསྟན་ལགས་སུ་ནང་པའི་ཆོས་ལུགས་ཀྱིས་བར་དོའི་སྐོར་འགྲེལ་བརྗོད་གནང་བའི་དུམ་བུ་གཅིག་གསན་རོགས་གནང་།


སྤྱི་ཟླ་གཉིས་པའི་ 01, 2015

པོ་ཊི་ལན་དུ་ཡོད་པའི་མེ་ཁྲི་རི་པ་ནང་པའི་མཐོ་སློབ།

ཨ་མི་རི་ཀའི་ནུབ་བྱང་མངའ་སྡེ་ཨོ་རི་གྷན་གྱི་གྲོང་ཁྱེར་པོ་ཊི་ལན་དུ་ཡོད་པའི་མེ་ཁྲི་རི་པ་ནང་པའི་མཐོ་སློབ་བཙུགས་གནང་མཁན་ ཡང་སྲིད་རིན་པོ་ཆེ་ལ་མཐོ་སློབ་དེའི་སྐོར་གནས་འདྲི་ཞུས་པ་ཞིག་གསན་རོགས་གནང་།


སྤྱི་ཟླ་དང་པོའི་ 25, 2015

ཆོས་སྐོར་རིམ་པ་གསུམ།

སངས་རྒྱས་བཅོམ་ལྡན་འདས་ཀྱིས་ཆོས་སྐོར་རིམ་པ་གསུམ་བསྐོར་གནང་བའི་སྐོར་རྡ་རམ་ས་ལའི་རིག་ལམ་སློབ་གཉེར་ཁང་གི་དགེ་བཤེས་བློ་བཟང་ཟླ་བ་ལགས་ཀྱིས་གྲེལ་བཤད་གནང་བ་ཞིག་གསན་རོགས་གནང་།


སྤྱི་ཟླ་དང་པོའི་ 18, 2015

ཟམ་གདོང་རིན་པོ་ཆེ་ཡིས་དལ་འབྱོར་མི་ལུས་རིན་པོ་ཆེ་རྩ་ཆེན་པོ་ཡིན་པའི་སྐོར་གསུངས་པ།

བཀའ་བློན་ཁྲི་ཟུར་མཁས་དབང་ཟམ་གདོང་རིན་པོ་ཆེ་མཆོག་གིས་གནས་མཆོག་ཝ་ར་ཎ་སིར་དད་ལྡན་ཆོས་ཞུ་བ་ཁག་ཅིག་ལ་དལ་འབྱོར་མི་ལུས་རིན་པོ་ཆེ་རྙེད་དཀའ་བ་དེ་དོན་ཆེ་བ་ཞིག་བྱེད་དགོས་ལུགས་གསུངས་པ་ཞིག་གསན་རོགས་གནང་།


སྤྱི་ཟླ་དང་པོའི་ 11, 2015

རྒྱ་གར་ལྷོ་ཕྱོགས་མོན་སྒོར་ལམ་རིམ་ཆེན་མོ་གསུང་ཆོས་སྐབས་༧གོང་ས་མཆོག་གིས་བསྩལ་བའི་བཀའ་སློབ།

ཕྱི་ལོ་༢༠༡༤ལོར་རྒྱ་གར་ལྷོ་ཕྱོགས་མོན་སྒོ་སྡོད་རྒུ་གླིང་དུ་ཡོད་པའི་གདན་ས་དགའ་ལྡན་དུ་ལམ་རིམ་ཁྲིད་ཆེན་བཅོ་བརྒྱད་ཀྱི་བཤད་ལུང་གནང་བའི་སྐབས་༧གོང་ས་མཆོག་གིས་དགེ་འདུན་པ་གཙོ་བོར་གྱུར་བའི་བོད་མི་མང་ཚོགས་ལ་དམིགས་ཏེ་བསྩལ་བའི་ལམ་སྟོན་བཀའ་སློབ་གནང་བ་ཞིག་གསན་རོགས་གནང་།


སྤྱི་ཟླ་དང་པོའི་ 04, 2015

༧གོང་ས་མཆོག་གིས་བྱང་ཆུབ་སེམས་དང་སྟོང་ཉིད་ཀྱི་ལྟ་བ་གཉིས་གལ་ཆེནཔོ་ཡིན་ལུགས་བཀའ་གནང་བ།

ཕྱི་ལོ་༢༠༡༤འི་ལོ་མཇུག་ཏུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་བདུན་ཕྲག་གཅིག་མིན་ཙམ་ཞིག་གི་རིང་རྒྱ་གར་ལྷོ་ཕྱོགས་བོད་མིའི་གཞིས་སྒར་མོན་རྒུ་སྡོད་རྒུ་གླིང་དུ་ཡོད་པའི་དགའ་ལྡན་དུ་བྱང་ཆུབ་ལམ་རིམ་ཁྲིད་ཆེན་༡༨ཀྱི་ལྷག་འཕྲོས་ཀྱི་བཤད་ལུངས་གནང་བའི་ཉིན་མཐའ་མར་དད་ལྡན་ཆོས་ཞུ་བ་རྣམས་ལ་སེམས་བསྐྱེད་ཀྱི་སྡོམ་པ་གནང་བའི་སྐབས་ བྱང་ཆུབ་སེམས་དང་ སྟོང་ཉིད་ཀྱི་ལྟ་བ་གཉིས་ཉམས་སུ་ལེན་ན་ ཕན་ཡོན་ཧ་ཅང་ཆེན་པོ་ཡོད་པའི་སྐོར་གསུངས་པ་ཞིག་གསན་རོགས་གནང་།

ཆོས་རིག་ལེ་ཚན། ལས་རིམ་འདི་གོ་སྒྲིག་ཞུ་མཁན་ཀུན་བཟང་སྒྲོལ་མ་ཡིན་ ལས་རིམ་འདིའི་ནང་ ནང་ཆོས་དང་ ནང་ཆོས་དང་འབྲེལ་བའི་བོད་ཀྱི་རིག་གཞུང་སྐོར་བཅས་ལ་མཁྱེན་རྒྱ་ཡངས་པའི་བླ་མ་ དང་ དགེ་བཤེས་ མཁས་པ་སོགས་ལ་གནས་དྲི་ཞུས་པ་དང་ དེ་བཞིན་སྐབས་རེ་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ནང་ཆོས་ངོ་ སྤྲོད་གནང་པ་ཁག་རྒྱང་སྲིང་ཞུ་གི་ཡོད་ ལས་རིམ་དེ་གསན་ནས་ཕན་ཐོགས་ཡོང་བའི་རེ་བ་ཞུ་གི་ཡོད།

  • རྒྱང་སྲིང་དུས་ཚོད། Saturdays
  • འཛམ་གླིང་གཅིག་གྱུར་གྱི་དུས་ཚོད། 0000
  • ལེ་ཚན་རིང་ཐུང་། 20

ལོ་ཐོ།

ཀུན་གླེང་གསར་འགྱུར།

Your JavaScript is turned off or you have an old version of Adobe's Flash Player. Get the latest Flash player.
ཀུན་གླེང་གསར་འགྱུར། ༢༠༡༥ ཟླ་ ༧ ཚེས་༣༡i
X
2015.07.31
རུང་རྒྱས་ཨ་གྲགས་གློད་གྲོལ། ལ་དྭགས་སུ་དབྱར་ཆོས་ཆེན་མོ་དབུ་འབྱེད་དང་འབྲེལ་ཆིབས་སྒྱུར། ཏུར་ཀི་དང་རྒྱ་ནག འདམ་སེང་བསད་པར་ངོ་རྒོལ། པེ་ཅིང་ལ་༢༠༢༢་ལོའི་ཨོ་ལིམ་ཕིཀ་མགྲོན་བདག་ཐོབ་པ། གནམ་གྲུའི་ཆག་གྲུམ་ལ་ཞིབ་འཇུག གོ་པའོ་ཤུང་གནས་དབྱུང་། བོད་དོན་སྲིད་བྱུས་ཀྱི་ཚོགས་འདུ། ལྒང་ཕུག་དང་བོད་ཀྱི་རྒྱལ་དར།

འབྲེལ་མཐུད་བརྒྱུད་ལམ་ཁག

ངོ་དེབ།