ངོ་འཕྲད་བདེ་བའི་དྲ་འབྲེལ།

བོད་ནས་གསར་དུ་གནས་ཚུལ་ཐོན་པ་ལྟར་ན། ཕྱི་ཟླ་༦་ཚེས་༢༠་ཉིན་བོད་ཀྱི་སྒ་སྐྱེ་དགུ་མདོ། རྗ་སྟོད་གྲོང་རྡལ་དུ་ངངག་དབང་ནོར་འཕེལ་དང་རོགས་པ་ཞིག་གིས་བོད་ལ་རང་དབང་དགོས་པ་དང་༧གོང་ས་མཆོག་བོད་ལ་གདན་འདྲེན་ཞུ་དགོས་ཞེས་ཡི་གེ་ཞིག་ལ་མིང་རྟགས་བཀོད་པའི་རྗེས་སུ་རང་ལུས་མེར་སྲེག་བཏང་སྟེ། རོགས་པ་དེ་སྐབས་དེར་འདས་གྲོངས་སུ་གྱུར་ཀྱང་ངག་དབང་ནོར་འཕེལ་ལགས་དུས་ཡུན་ཟླ་བ་གཅིག་ལྷག་གི་རིང་དེར་སྨན་བཅོས་བྱས་ཀྱང་ཕན་མེད་པ་དང་། ཕྱི་ཟླ་༧་ཚེས་༣༠་ངག་དབང་ནོར་འཕེལ་ཟི་ལིང་གི་སྨན་ཁང་ཞིག་ཏུ་འདས་གྲོངས་སུ་གྱུར་ཡོད་ཅིང་། དེ་བཞིན་བོད་ཀྱི་མདོ་སྟོད་སྨད་གཉིས་སུ་གྲྭ་བ་གཞན་པ་གཉིས་ཀྱང་ཁུངས་སོ་སོར་འཛིན་བཟུང་བྱས་པའི་གནས་ཚུལ་ཐོན་པ་ཞིག་པདྨ་བདེ་ཆེན་གྱིས་ཕྱོགས་བསྒྲིགས་དང་སྙན་སྒྲོན་ཞུས་པ་དེར་གསན་རོགས་གནང་།

XS
SM
MD
LG