ངོ་འཕྲད་བདེ་བའི་དྲ་འབྲེལ།

གཟའ་ཕུར་བུ། ༢༠༢༤/༠༣/༢༨

གུ་ཁེ་ལེ་ལ་ཁྲིམས་ཐག་ཅི་ཙམ་བཅད་ཡོད་མེད་གསལ་བསྒྲགས་བྱ་འཆར།


རྒྱ་ནག་གཞུང་གིས་གནས་དབྱུང་བཏང་བའི་ཁྲུང་ཆིང་དྲུང་ཆེར་གྱི་དམར་ཤོག་ཚོགས་པའི་དྲུང་ཆེ་ཟུར་པ། པའོ་ཤི་ལེའི་ཆུང་མ་གུ་ཁེ་ལ་དབྱིན་ཇིའི་ཚོང་པ་ཞིག་ལ་དུག་སྤྲད་ནས་མི་བསད་པའི་ནག་ཉེས་ཐོག་ཏུ་ཁྲིམས་བཤེར་བྱས་ཚར་པ་དང་། གུ་ཁེ་ལེ་ཡིས་རང་ལ་མི་བསད་པའི་ནག་ཉེས་ཡོད་པའང་ངོས་ལེན་བྱས་ཏེ། ཕྱི་ཟླ་༨་ཚེས་༢༠་ཉིན་རྒྱ་ནག་གི་ཧེ་ཧྤེ་གྲོང་ཁྱེར་གྱི་མི་དམངས་འབྲིང་རིམ་ཁྲིམས་ཁང་ཞིག་གིས་གུ་ཁེ་ལེ་ལ་དངོས་སུ་ཁྲིམས་ཐག་གཅོད་རྒྱུའི་གནས་ཚུལ་ཐོན་ཡོད་ཅིང་། རྩ་བའི་རྒྱ་ནག་གི་ཁྲིམས་ལུགས་ནང་དུ་མི་བསད་པའི་ནག་ཉེས་ལ་སྲོག་ཁྲིམས་ནས་ཚེ་བཙོན་བར་གྱི་བཙོན་འཇུག་གི་ཁྲིམས་ཐག་གཅོད་སྲོལ་ཡོད་ཀྱང་། ཉམས་ཞིབ་པ་ཚོས་རྒྱ་ནག་གཞུང་གིས་གུ་ཁེ་ལེ་ལ་སྲོག་ཁྲིམས་དང་ཚེ་བཙོན་གྱི་ཉེས་ཆད་གཅོད་མི་སྲིད་པའི་ཚོད་དཔག་བྱེད་ཀྱི་ཡོད་པ་དང་། དེར་བརྟེན་རྒྱ་ནག་ཕྱི་ནང་གཉིས་སུ་གུ་ཁེ་ལེ་ལ་ལོ་ཅི་ཙམ་གྱི་བཙོན་འཇུག་གི་ཁྲིམས་ཐག་གཅོད་རྒྱུ་ཡིན་མིན་ངང་སྒུག་བྱས་ཡོད་པ་རེད།
ཐད་ཀར་ཕབ་ལེན་གྱི་དྲ་འབྲེལ།
XS
SM
MD
LG