ངོ་འཕྲད་བདེ་བའི་དྲ་འབྲེལ།

བླ་བྲང་བསང་ཆུ་རྫོང་གི་བོད་པ་དྲུག་ལ་བཙོན་འཇུག་གི་ཁྲིམས་ཐག


རྒྱ་ནག་གཞུང་གིས་ཀན་ལྷོ་བོད་རིགས་རང་སྐྱོང་ཁུལ། བླ་བྲང་བསང་ཆུ་རྫོང་གི་བོད་པ་དྲུག་ལ་མི་བསད་པ་དང་ཉེན་རྟོག་པའི་སྲོག་སྐྱོབ་ལས་དོན་ལ་འགོག་རྐྱེན་བརྒྱབ་པའི་ནག་ཉེས་བཙུགས་ཏེ། བོད་པ་དེ་དག་ལ་ལོ་༡༢་ནས་ལོ་༣་བར་གྱི་བཙོན་འཇུག་གི་ཁྲིམས་ཐག་བཅད་ཡོད་ཅིང་། དེ་ཡང་ཕྱི་ཟླ་༡་ཚེས་༣༡་ཉིན་རྒྱ་ནག་གི་ཞིན་ཧྭ་གསར་འགྱུར་ལས་ཁང་གིས་གནས་ཚུལ་སྤེལ་པ་ལྟར་ན། པདྨ་དོན་གྲུབ་དང་སྐལ་བཟང་རྒྱ་མཚོ། པདྨ་འཚོ་དང་ལྷ་མོ་དོན་གྲུབ་བཅས་ལ་བསམ་བཞིན་མི་བསད་པའི་ནག་ཉེས་ཡོད་པས། པདྨ་དོན་གྲུབ་ལ་ལོ་༡༢་དང་སྐལ་བཟང་ལ་རྒྱ་མཚོ་ལོ་༡༡། པདྨ་འཚོ་ལོ་ལ་༨་དང་ལྷ་མོ་དོན་གྲུབ་ལ་ལོ་༧་གྱི་བཙོན་འཇུག་གི་ཁྲིམས་ཐག་བཅད་ཡོད་པ་མ་ཟད། ད་དུང་གདུགས་དཀར་རྒྱལ་ལ་༤་དང་གཡང་མོ་སྐྱིད་ལ་ལོ་༣་གྱི་བཙོན་འཇུག་གི་ཁྲིམས་ཐག་ཀྱང་བཅད་ཡོད་ཅིང་། ཕྱི་ལོ་༢༠༡༢་ལོའི་ཟླ་བ་༡༠་བའི་ཚེས་༢༣་ཉིན་བླ་བྲང་དགོན་པའི་ལྷ་སྡེའི་ཞོལ་མའི་ནང་ཚན། རང་ལོ་༥༨་ལ་སོན་པའི་ཟ་ཡུས་ནང་སྡེ་བ་གོང་མའི་རྡོ་རྗེ་རིན་ཆེན་གྱིས་བསང་ཆུ་རྫོང་མི་དམངས་བཅིངས་འགྲོལ་དམག་གསར་འཇུག་ལས་ཁུངས་མདུན་དུ་རང་ལུས་མེར་སྲེག་བཏང་སྟེ་རྒྱ་ནག་གི་དབང་སྒྱུར་ལ་ངོ་རྒོལ་བྱས་ནས་འདས་གྲོངས་སུ་གྱུར་པ་དང་། རྒྱ་གཞུང་གི་དྲག་ཆས་ཉེན་རྟོག་པ་དང་སྤྱི་བདེ་མི་སྣ་སོགས་ཀྱིས་རྡོ་རྗེ་རིན་ཆེན་གྱི་ཕུང་པོ་བཙན་འཕྲོག་བྱེད་རྩིས་བྱས་ཀྱང་ས་གནས་ཀྱི་བོད་པ་ཚོས་འདས་པོ་དེའི་ཕུང་པོ་རྒྱ་ལག་ལ་ཤོར་དུ་མ་བཅུག་པར་རང་ཁྱིམ་ལ་འཁྱེར་པ་དང་། དེར་བརྟེན་རྒྱ་ནག་གཞུང་གིས་པདྨ་དོན་གྲུབ་དང་སྐལ་བཟང་རྒྱ་མཚོ་སོགས་མི་དྲུག་ལ་བསམ་བཞིན་མི་བསད་པ་མ་ཟད། ཁོང་ཚོས་རྒྱལ་ཁབ་ཀྱི་ཉེན་རྟོག་པར་བསྙད་འཚོལ་ཟིང་ཆ་བསླངས་པའི་ནག་ཉེས་བཙུགས་ནས་ཁྲིམས་ཐག་བཅད་ཡོད་པ་རེད།།
XS
SM
MD
LG