ཉེ་དུས་རྒྱ་ནག་གི་བོད་རིག་པའི་ཞིབ་འཇུག་ཁང་གི་འགན་འཛིན་ལིན་ཤ་མིན་དང་ཞིབ་འཇུག་ཁང་འདིའི་ཉམས་ཞིབ་པ་གཞན་ཁ་ཤས་ཤིག་གིས་པེ་ཅིང་ལ་རྒྱུན་ལྡན་མ་ཡིན་པའི་གསར་འགོད་ལྷན་ཚོགས་སྐོང་ཚོགས་བྱས་ཏེ་རིང་མིན་༧གོང་ས་མཆོག་རྒྱ་གར་བྱང་ཤར་མངའ་སྡེ་ཨ་རུ་ན་ཆལ་གྱི་མོན་རྟ་དབང་ལ་ཆིབས་བསྒྱུར་གནང་རྒྱུའི་མཛད་འཆར་ལ་ངོ་རྒོལ་སྐྱོན་བརྗོད་ཤུགས་ཆེ་བྱས་ཡོད་པ་དང་། དེ་བཞིན། ༧གོང་ས་མཆོག་གི་ཡང་སྲིད་ཕེབས་ཕྱོགས་སྐོར་དང་བོད་རྒྱ་གྲོས་མོལ་ཐད་ལ་རྒྱ་ནག་གཞུང་གི་ལངས་ཕྱོགས་དེ་ཚོ་བསྐྱར་བཤད་བྱས་འདུག
