ངོ་འཕྲད་བདེ་བའི་དྲ་འབྲེལ།

རེས་གཟའ་ཟླ་བའི་ཉིན་རྒྱ་གར་ནང་ཕྱོགས་འགལ་སྲིད་དོན་ཚོགས་པ་ཚོས་འགོ་ཁྲིད་དེ་མི་མང་སྟོང་ཚོ་མང་པོས་དངུལ་ལོར་བཀག་འགོག་ལ་ངོ་རྒོལ་སྐད་འབོད་བྱས་འདུག་པ་དང་། ངོ་རྒོལ་སྐད་འབོད་ཀྱི་ལས་འགུལ་དེ་རྒྱ་གར་རྒྱལ་ཡོངས་ནང་གྲོང་ཁྱེར་ཆེ་ཁག་ཚང་མར་དུས་གཅིག་ལ་བྱས་འདུག་ཅིང་། ཕྱོགས་འགལ་སྲིད་དོན་ཚོགས་པ་ཚོས་རྒྱ་གར་གཞུང་གིས་ལྔ་བརྒྱའི་ལོར་དང་སྟོང་ལོར་གཉིས་གློ་བུར་བེད་སྤྱོད་བྱེད་མི་ཆོག་པའི་ཐག་གཅོད་བྱས་པ་དེ་ནི་དཔལ་འབྱོར་གྱི་ཛ་དྲག་ཁྲིམས་གཞི་གསལ་བསྒྲགས་བྱས་པ་ལྟ་བུ་རེད་ཅེས་སྐྱོན་བརྗོད་བྱེད་ཀྱི་ཡོད་ནའང་། གཞུང་འཛིན་ཚོགས་པས་ཐག་གཅོད་དེ་ནི་ལྐོག་ཟ་རུལ་སུངས་བྱེད་མཁན་དང་དངུལ་ནག་པོ་ཉར་མཁན་ཚོར་དཀའ་ངལ་ཆེན་པོ་བཟོས་པ་རེད་ཅེས་འགྲེལ་བརྗོད་གནང་གི་ཡོད་པ་རེད། རྒྱ་གར་གྱི་གྲོང་ཁྱེར་དིལླི་དང་ཀོལ་ཀོ་ཏ། མུམ་བྷའི་ བྷེང་གྷ་ལོར་སོགས་གྲོང་ཁྱེར་ཆེ་ཁག་ཚང་མའི་ནང་མི་མང་སྟོང་ཚོ་མང་པོ་ཁྲོམ་གཞུང་དུ་ཐོན་ནས་གཞུང་གིས་ཐག་གཅོད་དེར་ངོ་རྒོལ་བྱས་འདུག་པ་དང་། ཕྱོགས་འགལ་སྲིད་དོན་ཚོགས་པ་ཆེ་ཤོས་ཀོང་རེས་ཚོགས་པས་གྲོང་ཁྱེར་གྱི་ལམ་ཆེན་ཁག་ཏུ་ངོ་རྒོལ་སྐད་འབོད་བྱས་པ་དེ་ཁོང་ཁྲོའི་ཉིན་མོ་ཞིག་རེད་ཅེས་གསལ་བསྒྲགས་བྱས་འདུག

XS
SM
MD
LG