རྒྱ་ནག་གི་གཞུང་གཉེར་གསར་འགྱུར་བརྒྱུད་ལམ་གྱིས་བོད་ཀྱི་རྒྱལ་གླུ་བཏང་བ།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་རྒྱ་ནག་མི་དམངས་སྤྱི་མཐུན་རྒྱལ་ཁབ་འོག་བོད་ལ་རང་སྲིད་རང་སྐྱོང་ཡང་དག་པའི་གནས་བབས་དགོས་པའི་གྲོས་འཆར་བཏོན་པ་དེར་རྒྱ་ནག་གཞུང་གིས་ཡང་ནས་ཡང་དུ་འགག་ཆ་བྱས་ཡོད་ནའང་། རྒྱ་ནག་གཞུང་གི་བཏང་འཛིན་འོག་ཡོད་པའི་བརྙན་འཕྲིན་དང་རླུང་འཕྲིན་ཁང་གིས་གསར་དུ་འགོ་འབྱེད་བྱས་པའི་དྲྭ་གནས་ཀྱི་བརྙན་དཔར་གྱི་གླུ་གཞས་ནང་བོད་ཀྱི་རྒྱལ་གླུ་བཏང་ཡོད་པ་རེད། རྒྱལ་གླུ་དེ་ནི་འཛམ་གླིང་ཁྱོན་ལ་གནས་པའི་བཙན་བྱོལ་བོད་མིའི་སྤྱི་ཚོགས་ནང་ཡོངས་ཁྱབ་ཀྱིས་གཏོང་གི་ཡོད་ནའང། འདས་པའི་ལོ་ལྔ་བཅུའི་རིང་བོད་ནང་རྒྱལ་གླུ་གཏོང་མི་ཆོག་པའི་བཀག་རྒྱ་ཡོད་པ་རེད། བོད་ཀྱི་རྒྱལ་གླུ་ཡོད་པའི་བརྙན་དཔར་དེ་རྒྱ་ནག་གཞུང་གཉེར་གྱི་དྲྭ་གནས་ http://www.vtibet.com/tb/download/. ཀྱི་ APP ཨེཔ་ཕབ་ལེན་ལ་ཕེབས་ནས་བརྙེད་ཐུབ། ཨེཔ་ APP གསར་པ་དེ་ཕྱི་ཟླ་ ༡༠ ཚེས་ ༢༩ ཉིན་འགོ་འབྱེད་བྱས་ཡོད་པ་དེའི་སྐབས་དཔར་p མིང་ཤའོ་ལིང་གི་ལྷན་དུ་བོད་རང་སྐྱོང་ལྗོངས་ཀྱི་འགོ་ཁྲིད་ཀྱིས་ལྟ་ཞིབ་དང་སྦྲགས་ཆོག་མཆན་སྤྲད་པ་གཞུང་གཉེར་གསར་འགྱུར་བརྒྱུད་ལམ་ཐོག་བརྒྱུད་བསྒྲགས་བྱས་ཡོད་པ་རེད།